Victoria Amin Tak Press Conference Ah A Chimtu Palik Bawi Pathum Cu Tazacuai An Timh Hna

Naypidaw Wisdom Hill nursery siangin ah tlaihhrem case ah atuartu Victoria amin tak tiah ruahkhawhmi min pakhat cu Naypyidaw ah kawlram palik leinih Press Conference an tuahnak ah kawlram palik leinih chimchuah asitikah thangchiatnak le soiselnak bia tampi achuak tiah theih asi.

Mahbantukin an chimchuah mihe pehtlaiin antuah hram hram mi maw asi an chimsual midah timi kong zongah biachok vai tampi achuak tiah theih asi. Anzumhlo cemmi driver Aung Gyi a chuak cang fawn i Mucu sayamah fapa le caah cun luatnak lam cu a tlawm ngai ngai cang lai.

Kawlram nghakchia hna upadi ningah cun sualnak atuartu nghakchia hna le tette hna cu mizeidah an si timi le mizei bantuk dah an si timi konglamcu mipi theihah thanh angahlo nak kong zong kawlram palik hna nih hin an theihko nain tubantukin palik leinih an tuahmi Press Conference ahcun an chim langh tikah hin thangchiat le soisel an tawn khunnak zong asi.

Mahbantukin amin langhterin an chimmi cu nghakchia upadi pohmah (98) hmangin tazacuai khawh an si hleiah case hawnin report nak zong an tuah khawh tiah theih asi. Mah case ah sualnak tuahtu tiah puhmi Ko Aung Kyi cu December 18 ni Dekkhathiri District biaceih zung nih biaceihnak an tuahnak ah biaceihtu nih achuahtermi kongah mahbantukin Press Conference an tuahnak hi asi.