US President Ah Joe Biden A Tlin Hi Cu Chin Mi Kan Caah A Ttha Tak Tak: Zo Tum Hmung

Lai Mi ah kan Pa pakhat a si mi Pu Zo Tum Hmung cu The Hakha Times nih Online interview an tuah mi ah Pu Zo Tum Hmung nih a chim mi cu a ttha kho taktak. A chim tampi lak ah a tha ngai mi le Lam camceu um mi Refugee hna caah a ttha taktak mi le theih lo awk ttha lo bak a si.

Pu Zo Tum Hmung nih US President thar Joe Biden an thim hi cu Chin mi kan caah le keimah pumpak le vawleicung pumpi caah a ttha khun tiah a chim. The Hakha Times CEO Papuia nih a vun hal mi cu Joe Biden a vun tlin mi hi lam canceu um Refugee caah le nupi pasal, chungkhar lak ai tim mi hna caah hin ruahchan nak a um lai maw tiah a hal.

Pu Zo Tum Hmung a leh mi cu Joe Biden President a si hi cu Lai mi lam cancei um mi hna le chungkhar, nupi pasal ai la ding mi pawl ca hrim ahcun a ttha lawlaw khi a si tiah a chim. US Lai mi ca hrimhrim ah khin Trump nak in cun alet tampi Joe Biden cu a ttha hrimhrim lai tiah a chim fawn.

Pu Zo Tum Hmung nih a chim tthan rih mi cu Lai mi nih kan theih a herh taktak mi a si. Mah cucu Joe Biden nih Refugee 190000 kum khat ah ka lak lai a ti mi khi a hman taktak ko lai, a si nain vawleicung ralzam dihlak fonh in a chim mi a si caah ngafuan riah phunphai in heh tiah Malaysia le India lei ah kal bel cu a ttha lai lo tiah a chim.The Hakha Times nih Pu Zo Tum Hmung interview an tuahnak (Video Link)

Relchap>>>>US Cu Thangsgiving Day Hnu In Covid-19 Zawtnak A Karh Ning Cu Ttihnung Tak Tak A Si

US cu khuasik a tla cang I, Thanksgiving hnu in biatak tein Covid-19 zawtnak nih a kan den than. Tuchun nikhat lawngah minung 2885 an thi. Minung 100000 bak sizung an phan. Minung 200000 cu a zaw tharmi an si. CDC zong nih biatak tein ralrinnak thawng an thanh.

Californai state cu governor Newsom nih Greater Sacramento, Northern California, San Joaquin Valley, le Southern California ahcun Stay At Home order a thar in a chuah. Bars le Hair salon pawl cu zarh thum chung Lockdown an chiah hna.

Tuchun tiangah US ram pumpi in Covid-19 ruangah a thimi, 273,848 an si cang. Zawtnak a ngei bal cangmi dihlak, 13,926,082 an phan. Atu lio I a zual bikmi state hna cu, Californai, Taxes, Illinois, Florida, New Jersey le New York an si.

Covid-19 khamhna sii a chuahtu Pfizer company nih tukum chung [ December ] chungah virus khamhnak sii cu an tuakmi nakin zetceo lawng kan phawtzamh khawh lai tiah tuchun ah a chim. Zeiruang ti ahcun raw material an herhmi cu supply chain pawl nih an duh zet in an pek khawh hna lo ruangah a si an ti.

Asinain January thla thawk ahcun billion pakhat renglo kan phawt khawh ko lai an ti. Pfizer le BioNTech nih an chuahmi covid-19 khamhnak si cu 95% a khamh khomi a si. UK ahcun emergency caah hman ding in an cohlan cang nain US ahcun an cohlang rih lo. December 10 hrawngah cohlannak an tuah lai tiah zumh a si. Credit: Salai Lairamthang

You cannot copy content of this page