US Nih Covid-19 Vaccine A Ser Mi Cu December Thla Ah Hman Thawk A Timh Cang

Kan Vawlei cung minung tam tuk nunnak a suat cuahmah tu Covid-19 Vaccine cu Pfizer le Biontech company (America) nih an ser mi hneksaknak an tuah mi vialte a awng dih tiah thawng an thanh. United States cozah vaccine leiah nawl ngei tu Dr Moncef Slaoui nihcun Covid-19 vaccine an ser mi cohlan piak an si ahcun December 11 a si lo hmanh 12 ahcun kan hman cang lai tiah a chim.

Coronavirus vaccine update: Pfizer-BioNTech's 8-month journey of developing  Covid-19 vaccine - The Financial Express

Pharmaceutical company Pfizer le Biotechnology company BioNTech nih Covid-19 vaccine an sermi cu Food and Drug Administration (FDA) sin in emergency caah hman phalnak nawl an hmuh khawh ahcun ni tlawmpal hnuah cun kan hman cang lai tiah Dr Slaoui nihcun a chim. Hi company hna nih hin preliminary trial an ngei cang i, hi trial an neihnak ah hin 95% cu a hlawhtling cang tiah theih a si.

Tutan cu source tha tha nih thanh a si caah a hman mi a si hrimhrim cang lai tiah zumh a um bak ko cang. Mah an ser mi Vaccine cu Voi thum tiang an hneksaknak ah Minung 43,538 an chunh hna i mah chung ahcun minung pakhat te hmanh an thi lo tiah theih a si.

Covid vaccine: Pfizer applies for first approval in US - BBC News

 

Cu an ser mi Vaccine cu tu thla dongh in cun biatak tein hman hram kan thawk lai tiah Pfizer le Biontech company (America) nih an chim. Pfizer le Biontech company (America) nih an ser mi Vaccine cu hneksaknk an tuahmi ah zatuak sawm kua (90%) nak tam a kham khawh tiah theih a si.

November thla dihlei ah approved a si te ahcun vawlei pumpi hna a ngam cang lai. Tu thla dongh ah hin Vaccine an ser mi cu 50million, cun 2021 kum dih tiang ah khin cun Vaccine 1.3billion an zuar khawh cang lai tiah an chim fawn. Pfizer le Biontech company (America) nih an ser mi Vaccine cu UK nih 30million bak an order cang tiah theih a si.

Kan hnung zarh friday ah khan US ah Covid-19 kai thar mi 1,90000 an phan tthan i mah chung ahcun sizung ah minung 83,000 chiah an si. US i Covid-19 zawtnak a kai mi dihlak cu 12 million nak tam deuh an phan cang tiah John Hopkins University nihcun a chim. US ah Covid-19 in a thi mi dihlak cu 2,62701 an phan cang. Rf: BBC Burmese