Ukraine Sin Ah Zeibantuk Raltuknak Hriamnam Dah Vawlei Nih A Pek?

“Russia miakpi thazang kan hrawh khawh a hau. Chanthar chuahmi hriamnam tamdeuh in kan herh. Russia kan tei khawhnak dingah a herhmi hriamnam kan tinco khawh lo sual ah cun, nanmah NATO hruaitu lila hi Russia he ral nan tho te kho men,” tiah NATO he meeting an tuahnak ah President Zelensky nih a chim.

May be an image of outdoors and text that says 'Himars rocket launcher system Range: 43.5 miles (70 km)* Crew: 3 Weight: 16.25 tonnes Speed: 53 mph (85 kmph) *Range varies widely depending on munitions supplied Source: BBC research, Getty Images BBC'

Ram 30 renglo nih hriamnam tor le cheng in Ukraine an bomh cang. Asianin, hriamnam ngan pawl belte an sin phak a nuar i, a cheukhat hmunhma le bangah cun meithal nakin Ukraine ralkap milu an tamdeuh, ti a si.Zei ram nih dah hriamnam a bomh cem?

Hriamnam zalhnak ca i chawva kongkau ah cun, zeibantuk ram nak hmanh in US nih chawva tambik hman dingin timhlamhnak a ngei, tiah theih a si. UK le Poland hi hriamnam kua tambik a pahnihnak le pathumnak dirhmun ah an dir.

May be an image of map and text that says 'Artillery ranges compared Western supplied Himars 43.5 miles (70 km) M270 MLRS 43.5 miles (70 km) M777 howitzer 25 miles (40 km) Used by Russia BM-30 Smerch 43.5 miles (70 km) 2A36 Giatsint-B howitzer 25 miles (40 km) 13.6 miles (22 km) D-30 howitzer Range can vary depending on munitions supplied Source: BBC research BBC'

Hmailei pek te ding in US nih ai kamhmi chawva relh lo in, a tutiang i pek cangmi chawva a zat hi $6.3 billion a si cang, tiah theih a si. Cucu President Biden nih January 2021 i White House a thut hnu thokin Ukraine an i kilvennak caah an pekmi a si, tiah theih a si.

UK nih a pek cangmi hi $1.6 billion a si cang i, pipeline caah pek rih dingin an i kami hi $1.2 billion a si, tiah theih a si.“I kilvennak ca i Ukraine nih thla fatin te kan hmanmi hi $5 billion a phan. Cucaah chawva tamdeuh in kan bawm ko rih u,” tiin Zelensky nih a nawl hna.A biapibikmi hriamnam pawl teh zei ko dah an si?

May be an image of 4 people, outdoors and text that says 'M777 howitzer Range: 25 miles 40 km)* Crew: 8 Length: 35 ft (10.7 m) Weight: 4.2 tonnes *Range varies widely depending on munitions supplied Source: BBC research, Getty Images BBC'

Ralram i buanco khawhnak dingah cun lamhla a kap khomi hriamnam tampi, raltuk cawn, hriamnam ca i spare parts le a dangdang bomhchanhnak hi an si hna, tiin raltuk kong i mifimthiam hna nih an chim.

“Zeibantuk hriamnam system hmanh hi ngun in sermi zenkuan an si hraw lo” tiin US Chairman of the Joint Chiefs of Staff General Mark Milley nih a chim.Asinain, nihin tiangah cun, a tanglei hriamnam pawl hi biapihlabik an si ko, tiah zumh an si.

May be an image of 1 person, outdoors and text that says 'Nlaw Next Generation Light Anti-tank Weapon Target: Tanks Range: 22-875 yards (20-800m) Weight: 28lbs (12.5kg) Guidance Line of sight Training time: Less than one day D Source: Saab, Getty Images BBC'

Lamhla kahnak Rockets: Russia bomb nih duhtawk in a phaknak ah a ummi nichuahlei kap Ukraine ralkap hmunhma pawl an hrang ko ah hin miakpi le zenkuan thadeuh an herh ngaingai, tiah mifim nih an chim.

Nihin tiang i Ukraine kut a phan cangmi, asiloah lampi tiang a phan cangmi a thlurthlur in lamhla kah khawhnak rocket system 10 a um cang, tiah zumh a si. Cu hna cu US, UK le Germany nih an kuatmi hna an si.

May be an image of text that says 'T-72M1 tank Weight: 46 tonnes Crew: 3 Max speed: 37 mph (60 kmph) Firing range: Approx. 2.5 miles (4 km) Source: BBC research, Getty Images BBC'

Russia thazang dironh khawhnak dingah cun hi bantuk hriamnam hi tamdeuh kan herh ko rih, tiin Ukraine nih an chim.US nih an kuatmi system cu M142 High Mobility Artillery Rocket System asiloah Himars, ti a si.

A zenkuat an hmanmi rup in a kahphakmi ai dang cio. Nihin tiangah cun Western ram pawl nih lamhla kahnak zenkuan an bawm rih hna lo, tiah theih a si.Nihin tiang i Ukraine sin an kuatmi zenkuan cu meng 43.5 tiang lawng a phanmi an si. Russia nih an i hmanmi Smerch system he ai khingkhang an si, tinak a si. Asinain, Russia ta nakin Himars hi a let in hmuitimh a kheng deuh, tiah theih a si.

May be an image of 4 people, people standing, monument, outdoors and text that says 'S-300 air defence system Range: 56 miles (90km) Missile: 5V55R Warhead weight: 293 lbs Rocket weight: 3197 lbs (133 kg) (1,450 kg) Target tracking range: 120 miles (200 km) 神ል Source: BBC research, Getty Images BBC'

Howitzers: Australia, Canada, le US nih howitzers M777 100 lenglo le 155mm zenkuan 300,000 an kuat cang hna. M777 nih a kahphaknak hi Russia ta Giatsint-B howitzer he ai khat i, Russia ta D-30 nakin tampi a kuang a saudeuh.

Ukraine nih an i ngeihmi Warsaw Pact miakpi hi 152mm kuan an i hmanh khawh. Ukraine miakpi ah hman khawhmi kuan chuah/ser chap hi a buai, a har zong a har ngaingai cang. A cheukhat ral hmunhma le bangah cun Ukraine ser miakpi zenkuan an dong ngaingai cang, tiah theih a si.

May be an image of text that says 'Largest donors of military aid to Ukraine Commitments made by donor countries, 27 Jan to 7 Jun $25.45bn $2.53bn $1.81bn $1.48bn $0.8bn $0.48bn $0.27bn $0.26bn $0.26bn $0.23bn US UK* Poland Germany Canada Norway Czech Republic Greece Estonia Latvia Australia Sweden France Denmark Italy $0.19bn $0.18bn $0.16bn $0.16bn $0.11bn *UK figure does not include additional $1 2bn of funding announced 30 June Source: Kiel Institute for the World Economy'

Tank Kahnak Hriamnam: Tank pawl kahnak caah an sermi liangcung khin Nlaw hriamnam 5,000 lenglo kuat an si cang. Russia nih Ukraine a luhhnawh le cangka an khualipi Kyiv lak an i timh nain an lak khawh than lo nak a ruangbik cu hi liangcung khin Nlaw hriamnam ruangah hin a si, tiah theih a si.

“Tutan ral a thawhka hrawnghrang i Russia ke ralkap an tei khawhnak dingah a biapi taktakmi hriamnam cu Nlaw hriamnam hi an si,” tiin Royal United Services Institute i Justin Bronk nih a chim.

Tanks: Poland le Czech Republic sin in Warsaw Pact design tank 230 lenglo Ukraine nih an hmuh. Ukraine nih kum sawm tampi chung an i hmanmi thank cu T-72 hi a si i, remhnak, spare parts le a mongthiammi tampi an i ngeih ve, tiah theih a si.

UK hei ti bantuk Poland i a ramdanghawi hna nih Challenger 2 timi an tanks pawl cu Poland lei ah an kuat hna caah, Poland zong nih a tu bantukin a tank pawl Ukraine a kuat chin khawh hna nak hi a si, tiah theih a si.

Drones: Nihin tiangah cun drones hi san a tlai ngaingai. Hlathlainak, ral umnak ngiatthlainak le raltuknak tampi a bawmchantu ah hman an si.

Kan hnunglei thla hnihthum lio ah khan Turkey nih a Bayraktar TB2 drones Ukraine a zorh hna. Cun ralkap tor le cheng in an i butnak raltuknak hmun caah, tiin a lakin Turkey nih a bomh hna.

TB2 drone pawl hi laser-guided bomb ai hmanmi drones an si i, Russia hmunhma pawl a kah hlan ah pe 25,000 hrawng sang in a zuang kho mi a si i, tutan zongah hmual a ngaingai mi hriamnam a si, tiah mifim nih an chim.

Hi drones pawl nih hin Russia an helicopters, raltuknak tilawng le missile system pawl an hrawh hna, tiah theih a si. Cun, Ukraine pawl nih miakpi in Russia pawl an kah khawhnak dingah Russia pawl an umnak hmunhma dikcak tein a chimh khawh fawn hna, ti a si.

Air defences: Tutan raltuknak ah Ukraine pawl an vanraltuknak a ningpiin kan uk/iap khawh, tiin Russia nih an chimmi hi lih a si, tiin Ukraine nih a chim ngam. A ruang cu, anmah Ukraine vanlawng tu nih hin Russia vanlawng pawl hi tu le tu a thlak tualmal ko hna caah, Russia nakin vanraldohnak ah a thawngdeuh zia a tak in a langhter ko.Slovakia sinin Ukraine nih S-300 air defense system a tinco. Crd: Chelsea Bawi