Ukraine Ralkap Rasia Kut In Thi Mi A Birthday Ah A Fanu Te Nih A Birthday Lawmhpi Ding In A Sawm

Ukraine pasaltha Vladislav cu Russia he i tuknak ah a nunnak a liam, a fanu nih kumkhat a tlinnak Birthday ah a pa thlan ah ra in a birthday lawmhpi ding in rawl ei ti a sawm!

May be an image of 3 people, child and outdoors

Ukraine: Russia hi Kan Tei te ko lai. Nichuahlei Ukraine i kahdohnak ah khat le khat i khing lakmak in hriam an i thlak khawh caah thla 4 chung a kal cangmi ralpi hi Ukraine lei nih tei dingin an i zumhnak kong Zelensky nih Saturday ah khan a chim.

Sievierodonetsk khua lak dingin Russia nih biatak tein thazang a chuah. A tutiang ah cun aho a bawi lai theih an si kho rih lo. Russia ralkap thazaang a khupthal kan lehkhawh zaunak dingah cun hriamnam thadeuhmi nan kan kuat a hau ko, tiin Ukraine lei nih nawlnak an tuah.

Russia nih hin a let 10 renglo tam in miapi an i ngeih. Asinain, cutluk cun hriamnam in an hleihtuk ko hna nain, Ukraine ralkap pawl hi ruahnak nakin an rak thawng, ti a lang. “Russia nih a thokmi tutan ral hi kan tei hrimhrim te ko lai.

Ukraine ram ah a tlungmi raltuknak hmun le hma hna nih in kan vawleipi i a hmailei a dirhmun hi lai a relte lai,” tiin Zelensky nih a chim. Vawleicung facang zuartambik a si veve mi raminnpa pahnih an i doh ruangah tirawl kongkau ah vawleipi an hngirhsaih manh ko cang.

Russia nih Ukraine a luhhnawh hnu in vawleicung facang man ai khawt colh ve. An ramhnih buainak ruang i kumvui chung lila i vawleicung i tamhal in a um te dingmi hi million 19 tluk cu kan phan te kho men, tiin UN nih Friday ah khan cathanhnak a chuah.

Vawleicung ah zinan le gas a zuartambik ram a si ve mi Russia cung i Western ram nih phihkharnak an tuah hnu cun vawleicung zinan man van a tawng. “Russia nih facang tholhnak lam a phih ruang i vawlei cungah tirawl tholh khawh lo a si sual ah cun, vawlei cungah pam a tlung lai – a bikin Asia le Africa ko ah hin a si te lai,” tiah Zelensky nih a chim.

Ramdang sinin Turkey nih tirawl a cawkmi vialte lakah Ukraine sinin a cawkmi hi 98% tluk tam a si i, cu a tirawl cawknak lam cu awmpiak than a si nak lai, Turkey nih thazang a chuah cuahmah.

Ukraine nih a rili tilawng dinhnak hmun i bomb pawl a phelh hna a hau, tiin Russia nih a ti ve. Cu ti bomb kan phelh tikah kan in kap hrimhrim hna lai lo, tiin Russia lei nih bia an kan kamh ve a hau, tiin Ukraine lei nih an ti ve.Lam cung Kahdohnak a Zualhma ko.

“Ukraine ralkap hna cu Soviet chan hriamnam tete cu an i hman hna. Hriamnam thadeuhmi he kahdohnak tuah khawhnak dingah cun Western ram nih hriamnam thadeuhmi an bomh hna a hau cang.

Nichuahlei kahdohnak ah hin a ngandeuhmi le hmui a kheng kho deuhmi miakpi an herh,” tiin Institution for the Study of War nih Friday ah khan a chim. Friday tiangah khan cun khuapi in chaklei tiang cu Russia nih hmunhma an la theng rih lo.

Asinain lam chuanthluak in kahdohnak cu a zualhma ngaingai ko, tiah British defense ministry nih Saturday ah khan a chim. Russia nih hin Sievierodonetsk hi a ningpi in lak a duh. A pawngah a ummi Donetsk he anmah Russia a tanhtu Ukraine mi hna kut ah chiah a duh.

An khuahnih hi Donbas pengkulh chungum an si i, 2014 lio tein khan anmah a tanhtu hna nih heh tiah kahdohnak an tuahnak hmun an si. Sievierodonetsk khuapi a zapi ti ngawt in Russia kut a phan cang.

Asinain Azot chemical plant belte cu Ukraine nih a hum ko rih i, a tangah minung a zaza in an i dor ko rih, tiah Luhansk Gov. Gaidai nih a chim. Cuka ah cun Ukraien ralkap 300 in 400 kar hrawng Russia nih an erhtonh hna, tiin Russia tanhtu phu nih an chimmi cu Gaidai nih a cohlang lo.

“Sievierodonetsk i sehzung hmunhma hi kan ralkap nih an hum ko rih. Khuachung hmunhma a khuarmi Russia ralkap pawl zong an hrawh dih hna,” tiin Gaidai nih a chim. Sievierodonetsk i a tlungmi kahdohnak nih hin tuan i Russia nih Mariupol a lak lio muithlam a lenter ngaingai.

Russia nih Mariupol cu hmangsom in a som dih cikcek. Khua thenhhlimh rian a um khawh ti lo caah, kan lampi hna cu a thu a tlolmi ruak in an khat, tiah Mariupol major nih Friday ah khan a chim. Tutan ral ah a thimi ngakchia hi 287 an phan cang. Mariupol lawngah 24 an thi, tiah Ukraine sihni general nih a chim.

Mipi kan kap hrimhrim hna lo, tiin Russia nih ai pheh peng ko rih. Khat le khat ralkap belte tamial kan thi, tiin a chim. Ukraine hi nazi pungsan in rian a tuan caah, a kut ah hriamnam um lo dingin a tu bantukin ka kah hi a si, tiin Russia nih a ti peng ko rih. Asinain Ukraine le a ramdanghawi le hna nih cun sual irlit bia rumro a si ko, tiin an ti ve. Crd: Chelsea Bawi