Tutan Saya David Lah le a hawile thiltonmi cu micheu nih mawh kan phurh hna

Nawlngai lo le cozah zei rel lomi ko an lo. Zawtnak ngei lo poh tah cozah nawl kan ngai hlei maw ti ah le kan ngai hlei cio lo. David Lah te hi Pathian mifa taktak an si tiah ka ruah i kei cu ka uar tuk hna. Mipi zumtu tamhaal tuk in an um lai ti phan ah cozah rikhiahning in an cawlcanghmi a si.

Vawlei a si vawlei harsatnak cu an cungah a tlun awk si ko. Cozah phung buar an si lo cozah nih ri a khiahmi chung teah an cawlcang i heh tiah lungrethei ummi hna thazaang an pek hna an lak ah zawtnak ngeimi an um caah an i chawnhchinmi tu khi a si. Cucu Davidlah tehe livestream ah hlasatu Nita zong nih BBC sin ah a chim cang. Taza an cuai hna zongah an caah tehtekhannak an cang te lai.

Zumtu tak nih cun harnak an zam tak bal lo harnak an ton caan tu ah Pathian thawnnak an cungah a lang zungzal. Pathian lamhruainak thawng in hi hna phu zong hi an dam lai. Pathian rian ah cun hi pa bantuk mah nunnak hmanh ruat loin tuan ding si.

Harnak a tlun poh i tlik le zam i timh ding si lo.Harnak lak ah hmai a fong ngammi hi Pathian nih a hleikhun in a hman tawn hna. Mipi mawhchiatnak luklak cu zeingai si lai lo Moses chan lio in mawhchiatnak cu a rak um cang. David Lah bantuk mipi zawn a ruat i a ralthami tu hi nihin kan ram nih a herhmi tak cu a si. Harnak a tlun lio i mipi a zamtak ding mi hruaitu kan tamtuk. Credit: Tluangceu Thang