Tunai Teah Dalan Rianttuan Daw Soe Soe Lwin Mi Zeiti Theih Lo Nih Meithal In An Kah I A Nunnak A Liam

Yangon ramtthen, Tamwe myone, Taukmiang tatih-pathan lam an tihmi Ciakuat-tit sang i Uktu bawi ttuan lio mi Daw Soe Soe Lwin cu tunai June 8 zing suimilam 10:00am ah khan meithal kahnak in a nunnak a liam.

Daw Soe Soe Lwin cu motor chung a um lio ah mi zeiti theih lo mi nih meithal in an kah hi a si. Tuah hin ralhrang nih mah thawngpang an theih le cangka anva kal colh i hlathlai nak an tuah cuahmah tiah theih a si.

Daw Soe Soe Lwin hi cu hlan ahcun puaisa rian a rak ttuan lengmang mi a si. Ralhrang nih nawl ngeihnak an lak hnu in cun tu bantuk rian hi an khinhmi a sii, a mah nu ruangah hin minung tam tuk ralhrang nih an tlaih cang hna tiah theih a si.

A mah nu hi suimilam 24 chung dinlo bak in ralhrang hna Dalan a ttuan peng tu nu a si. Tulio kawlram chung Dalan rianttuan mi lak thil ti kho cem le sual cem mi nu a si. A thil sual tuahmi ruangah tunai teah meithal kahnak in a nunnak a liam hi a si. Crd: Khit Thit Media