Tulio bantuk vawleimi vialte hartong lio caan ahhin pakhat le pakhat ibawmh caan a si. Idawt caan a si

Canada zong ah Cozah nih a rammi hna cu a herhning in bawmhchanhnak pek a timh. Business owners pawl nih anmah le an zawn cio in an customer caah bawmhchanhnak an tuah cio. Internet providers pawl nih internet data cu a lak in tam deuh cio an kan pek. airlines pawl nih air ticket a caw cia vialte penalty um loin free in an khirh tthan dih hna.

Super Markets pawl nih an riantuantu vialte an hlawh an kaiter dih hna pinah an thil zuarmi zong aho paoh tinco viar dingin limit an tuah. Minung pakhat nih tam tuk cawk lo ding tbk. a cheu ngaknu tlangval cu amah tein bazar a kai kholomi taar le ngakchia bazar an kai piak hna. Pizza tiang nih harton lio caan chung, 50% discount an chiah.

Laimi tah, atu bantuk harton lio caan ahhin zeitindah kan um? Pastors hna nih nan members phone in nan chawnh hna maw? Khrifabu nih tah nan members caah zeibantuk preparation le bawmhchanhnak pek ding timh tuahnak nan ngeih? Business ngeitu, dawr ngeitu pawl, nan customers caah zeibantuk thil ttha tuah dah nan itimh?

Mizoram ah Kala le dawr ngei nih an thil man an kaiter dih i, YMA le Cozah nih kaiter lo dingin an control hna tiah an chim. Lairam ah dawr ngeitu nih an thil man an kaiter colh tiah theih a si ve. OMG! Atu lio bantuk harton caan ahhin pumpak miak hmuh caan a si maw? Laimi? midang caah a nunnak a pekmi Jesuh Khrih zumtu, Khrifa pei kan si cu! Nitlak lei ram an nunning le an cawlcangh bantuk in kanmah le dirhmun cio in thil ttha tuah caan a si. Midang caah ipek caan a si. Midang cungah dawtnak langhter cang a si. By: Zasang Cinzah