Tuchunni Tiang Mask Vuah/ Hman Hau Lo Tein A Um Mi Ram Hi Na Thei Ve Maw?

Vawleicung ram tampi ahcun Covid-19 zawtnak ruang ah leng chuah caan paoh ah mask vuah, bunh lo in chuak a ngah lo mi ram tampi an um lio ah tuchunni tiang mask vuah/ bunh hau lo tein a um mi ram an rak um ve. Ram tampi ahcun Covid-19 zawtnak ruangah sianginn, nuamhnak puai, lentecelhnak le ramri gate tiang an khar dih.

Cu tluk in vawleicung ram tampi lungrethei i an um lio ah Northern Europe nichuah lei kam Scandinavia ram karlak ah um mi Sweden ram cu tuchunni tiang Covid-19 zawtnak nih a phan ko hna in minung 14 te lawng nih zawtnak an ngeih caah mask vuah/ bunh lo in nuamhnak phunphun an tuah kho tiah theih a si.

Tu ah hin kan theih dih bang in Covid-19 zawtnak cu vawleicung ah a karh chin lengmang ruang ah minung ting tampi an nunnak a liam cang. Tuah hin minung ting 10 millione an umnak Sweden ram ahcun Covid-19 ngei minung 14 te lawng an si tiah theih a si.

Sweden ram cu tuchunni tiang Covid-19 zawtnak vawleicung ah a karh cuahmah ko nain Northern Europe ram chung ahcun ai kilveng kho cem mi ram pakhat an si tiah WHO Department of Europe ah nawl ngeihnak sang neitu Catherine Smallwood nihcun a chim.

A chim tthan mi cu Sweden ram cu Covid-19 zawtnak lak in ai kilveng khawh ning cu cawn awk tlak le zohchun awk tlak taktak an si tiah a chim chap fawn. A luancia mi ni 14 chung ah khan Sweden ram cu Europer ram chung ah zawtnak a kai tlawm bik nak ram an sii, minung ting ah 3 tluk lawng an kai lio ah Spaine ram cu minung 292 chung ah minung 2 nih zawtnak an kai tiah theih a si.