Ttihnung Taktak Khi A Si: Tlanglawng Nih Minung 16 Man Cikcek in A Cil Dih Hna

Indiaram Maharashtra State nitlak lei ah May 7.2020 nizan ah khan tlanglawng lam cung ah ariakmi minung 16 cu a zan an ni nghilh thih kar bak ah tlanglawng nih a cil hna i anzapi tein an thi dih tiah theih a si. Tlanglawng nih a cil mi hna hi Indiaram Lockdown tuah ruang rianttuan awk ngei lo in an khua lei ah a tlungmi hna an si.

Tlanglawng mawngtu pa nihcun tlanglawng lam cung ah minung an riak ti a vun theih bak khin a tlanglawng cu dirter a timh ko nain a dirter khawh tilo caah a cil hna hi a si. Lockdown ruang ah mah khua le ram lei panh in a tlungmi hna cung ah thihlo nak fak tuk a tlungmi ruang ah Indiaram cu a min a chia ngai ngai.

 

 

 

 

 

 

 

 

 

 

 

Tlanglawng lei nawl ngeitu pa Peru Kuyel an timi pa nihcun mah bantuk thawngpang avun theih le cangka in Relef Work phu hna cu arannak in a tlah cawlh hna nak kong cu a Twitter cahmai ah arak langhter. Mah thil cangmi cu Indiaram Maharashtra State ah a cang mi a si.

 

 

 

 

 

 

 

 

 

 

 

Tlanglawng mawghtu pa nihcun tlanglawng lamcung ah minung an riak ti a theih ko nain a break a tlaih khawh ti lo caah tu bantuk in a cil hna nak hi a si. Minung 16 anunnak a liam pin ah minung 5 hna cu fak ngai in hliamhma anpu taih theih a si. A thi mi minung pawl hna hi still company ah rianttuan mi hna an si.

Lockdown ruangah an company an khar caah an khua Maharashtra state khua ah tlung nak lampi ah tu bantuk in tlanglawng lamcung ah ariakmi hna an si. Ke bak in zankhuadei an kal hnu ah antha dit tuk cang caah tlanglawng kal a lem lo tiah hna ngam in tlanglawng lamcung ah ariakmi an si.