TRINITY (or) ONENESS (Part One)

Biahmaithi: Naihrawng cu athar in kan biak Pathian hi Trinity (Thumkawmh) maw asi Oneness (Pakhat Lawng) dah ti a hung lar ngai hoi. Vawleicung Khrihfa zumtu hna nih an pahnih te hin an i tlaih veve mi an si i, kan Bible chungah a um veve mi zong an si, nain Bible chung um biafang le cawnpiaknak hna hi zeitindah a sullam kan leh i kan i nunpi (Hermeneutics & Application) ruangah kan idannak cu asi.

Oneness Pentecostalism of David K. Bernard - ppt download

Eg. Jesuh nih, “Nannih zong timhcia tein nan um awk asi, zeicahtiah Mi fapa cu nan i ralrin lo caan ah khin a ra ko lai,” (Matt. 24:44; cf. Luke 12:35-40) tiah atimi khi Mizo pa nihcun, “kei cu timhcia cun ka um bak lai lo, zeicahtiah Amah Jesuh nih pei nan iralrin lo caan ah ka ra lai ati cu, timhcia i ka um ahcun a rat tung lai lo” ati ve.

What are the similarities and differences between the Mormon concept of Godhead and traditional Christian view of the Trinity? - Quora

TRINITY biafang hi Bible ah aum maw?

A um lo. A um lomi cu ziah kan zumh kon? Asi, Bible chungah a ummi biafang kan zumh lomi a um bantuk in a um lomi kan zumhmi zong an um ve. Bible chung ah a ummi kan zumh lomi le zulh khawh lomi hna cu Jesuh nih, “Na orhlei mit nih … na orhlei kut nih … an sualter ahcun khoih law, tan law hlonh ko” (Matt. 5:29-30) a timi le Paul nih Timote kha, “Ka angkileng le ka Cauk kha rak ka phorh te” (2Tim. 4:13) tiah a timi hi ahohmanh nih kan tuah bal lomi le kan tuah thai lo dingmi an si, cucu James nih, “zumhnak cu rian ah lang seh” (James 2:14, 17, 21) ati caah kan tuah lomi zumhnak cu zumhlo tluk asi tinak asi ko. Cun Paul nih, “A zungzal (dong loin) in thlacam u” [Pray without ceasing] (1 Thess. 5:17) ning zong khin rawlei tiding loin, donglo ngai cun thla kan cam bal lo caah Bible biafang ning (Literally) bak in seh ti awk a tha tawn lo.

Cun khatlei kam ah Bible ah a um bak lo nain kan uar tukmi zong an um, culak ah pakhat te cu, “rapture” (thianglawr) tihi asi. Krihfa tampi nih Jesuh ratthan tikah a nung rihmi hna cu mitthep kar ah arawk khomi kan pum hi a rawk kholomi ah a kan thlen lai i, a thi ciami hna he vanchum cungah a kan cawi/lak lai i Bawipa he zungzal kan umti lai ti an zumh (1 Cor. 15:51-55; 1 Thess. 4:16-17), cucu “Rapture” ti asi i Bible chungah a um bak lomi biafang asi nain Krihfa tampi nih kan uar tukmi biafang le zumhmi asi.

Pakhat or Pumkhat sullam

1) Pathian cu Pakhat asi: A dikmi Pathian cu pakhat lawng a um, [One God] (Efi. 4:6), timi cu el awk a um bak lo. Zeicahtiah Bible nih, “Bawipa lawng hi … [The Lord is One] (Deut. 6:4); Pathian dang an um lo [No God besides me] (Isai. 45:5-7); Pathian cu pakhat lawnglawng a si [No other God but one] (1 Cor. 8:4). Asinain Pakhat timi nih sullam tampi a ngei:

2) Pakhat Sullam: Bible nih Pakhat atimi nih sullam tampi a ngeihmi lakah tlawmpal langhter ninglaw;

a) Nu le Va pumkhat sinak: “Nu le Va zong pahnih si loin pakhat/pumkhat an si [no longer two but one flesh] (Matt. 19:6; Efi. 5:31) a ti i, Paul nih, “Hlawhhlangnu he a itmi cu pumkhat an si ati” (1Cor. 6:16).

b) Zumtu hna pumkhat sinak: Paul nih zumtu hna cu, “Judahmi le Jentelmi ti a um ti lo … Nu le Pa ti a um ti lo … Pakhat nan si dih [Neither Jew nor Greek … neither Male nor Female, you are all ONE in Christ Jesus] (Gal. 3:28). Nu le Pa ti a um ti lo ahcun nupi thit le va ngeih um ti loin kan dihlak in Pa le Pa, Nu le Nu aa thiummi Gay (homosexual male) le Lesbian (homosexual female) kan si dih hnga i cubantuk nihcun, “Pathian pennak cu an co kho lai lo [… neither fornicators, nor idolaters, nor adulterers, nor homosexuals, nor sodomites … will inherit the kingdom of God] (1 Cor. 6:8-10) ati fawn.

c) Bawipa Pakhat lawng aum: Paul nih “Bawipa pakhat lawng aum” (Efi. 4:5) tiah ati, asinain Bible thiamthiam nih, “Bawipa nih ka Bawipa cu” [The Lord said unto my Lord … ] (Ps. 110:1) ati caah Bawipa hi pahnih um dawh in a lang fawn.

d) Baptisma Pakhat lawng aum: “Baptisma pakhat lawng a um” [One Baptism] (Efi. 4:5), nain Bible thiamthiam ah John nih, “Kei nihcun Ti in Baptisma kan pek hna … ka hnu i ara dingmi nihcun Thlarau le Mei in Baptisma an pek hna lai “ [He shall baptize you with the Holy Spirit and with Fire] (Matt. 3:11), ati caah baptism/baptisma zong hi pakhat naktam um dawh asi fawn.

e) Zumhnak Pakhat lawng aum: Zumhnak Pakhat lawng a um (Efi. 4:5) tiah Paul chimmi zong hi James nihcun, “minung zumhnak le khuachia zumhnak, anungmi zumhnak le athimi zumhnak, tuahsernak ah a langmi le a lang lomi zumhnak (James 2:17-20) tiin pakhat nak tam deuh in a then. Lamkaltu hna nih Jesuh kha, “Kan zumhnak hi nganter deuh tuah” [Increase our Faith] (Luke 17:5) an ti caah ahmemi le a ngami zumhnak tibantuk in zumhnak zong hi pakhat naktam um dawh asi fawn.

Cucahcun Pathian Bia nih pakhat or pumkhat a timi hi minung ruahmi he aa khat tawn lo, minung pakhat le Pathian pakhat timi idan dawh asi. Nu le Va zong pumpkhat kan si kan ti nain Pa a thih ahcun a nupi zong a thi ve lai, a Nupi Nurse asi caah a vapa zong nurse asi ve lai ti asi lo, kan nupi le nih nuphung an hngalh ah pa nih zeihmanh kan theih bal lo caah pumkhat kan sinak cu minung tuakning in si loin Pathian tuakning le hmuhning lawngah asi. Pumkhat (or) Pakhat kan ti ko zong ah minung tuakning le hmuhning in a chungah pakhat lawng taktak asi tawn lo, pakhat nak tam an si tawn ti hi a fiang. Mah hihi vawlei tinchia (Mathematics) tuakning cu zeitikhmanh ah tuak khawh lo dingmi le aphi chuah khawhlo dingmi asi.

Zeicahtiah Pathian nih, “Ka ruahning cu nan ruahning asi lo … “ (Isai. 55:8-9) atimi le “Nan lo cang, thil tha kha a tha lo nan ti … a thlumi kha akha nan ti” (Isai. 5: 20) ti bantuk khi asi. Pathian nih minung kha hmailei thil hngalh duhnak kha minung lungthin chungah a chiah.nain tling tein hngalh khawhnak cu a pe lo” (Phungchim. 3:10-11), i Pathian nih a tuahmi thil cu hngalh khawh lo thiamthiam a si peng ko … na hngal bal lai lo, mifim nih kan hngalh an ti hnga an hngal lo (Phungchim. 8:17). Kan ngeihmi hngalhnak hi a cheuchum lawng asi i atlingmi a phak hlan lo cu asi peng ko lai (1Cor. 13:9)-10.

Dr. Van Thawng Lian

Van Lian FB

Houston, TX USA