Trinity Le Oneness Bible Debate An Tuah Zan Khat Nak I Thil Cangmi Cu Ngaihchia Ngai A Si

Nai UPC Pa UPC.Rev.Thangliansanga le Dr. PC Biaksiama Bible debate nak cu zankhat a zohtu an hei tam khawh ning cu khuaruahhar ngai a si. Mizo mipi long si lo in vawleicung Laimi tam tuk nih kan zoh rih fawn hna. Kan theih dih cio bang in Bible dabate vawi tampi an tuah cang nain nihin tiang cu nihcun thil ttha a chuahpi mi hmuh awk hi a um lem lo tiah ka ruah.

Hmuh awk i tam cem mi cu Online cung in comment chiakhat taktak pawl hmuh awk tawr le cheng hmuh awk long hi a si deuh cem. UPC hi cu hmailei zongah debate an tuah len zong ah UPC in khrihfabu dang ahcun zeitik hmanh ah an i tthial hlei ding si lo. Cun Trinity a zumtu khrihfabu hna zong zeitik hmanh UPC ah an lut hlei ding khi asi lo.

Nizan tihni le nizan UPC Pa UPC.Rev.Thangliansanga le Dr. PC Biaksiama Bible debate an tuah a zan khat dih hnu zantlai ah khan mi zei ti theih loh mi nih UPC Biakinn an bauh i a chung thilri cheukhat an hrawh tiah theih asi. UPC comment nak zoh tik ah Dr. PC. Biaksiama nih UPC pa a tei lo tuk caah thinhang in an tuah mi si tiah comment tampi kan hmuh. A tang ah hin Youtube video ka thil chih rak zoh ve.

Relchap- Kawlthlen Hlanah UPC Pa Nih Kawl 3 A Kawl Manh.Dr.Rual Uk Cu Zeibantuk Khin Dek A Hei Um Vehnga!!

Nizan 22 June 2022,zan suimilam 8 pm to 11 pm tiang,zumhnak kong i bia alnak a ngei mi,Mizoram chungah an zumh taktak mi le an uar ngaingai mi,Upa Dr.PC.Biaksiama le UPC.Rev.Thangliansanga cu hmaitawnh bakah Bible an zumhnak le an cohlan ning cu i ruahnak an ngei i,hi an iruahnak hi,Mizo Chanel tampi ahcun Live in an thlah i a zohtu hna hi ting 3 renglo nih an Live chung ah hin an zoh hna.

A hmasa ah hin,Rev.Thangliansanga nih minute 20 hi a mah nih a cohlan ning cu duhtawk in a chim,hi hnu ah hin,Upa Dr.PC.Biaksiama nih cun minute 20 chung a chim ve,hi hnu ah hin pakhat le pakhat bia i halnak a um.

Bawlung chuih siselaw tihin ka chim hnga.”Kawl thlen hlan ah khan,Rev.Thangliansanga nih duhtawk in bawlung cu a tongtham le Dr.Pc.Biaksiama le a mah lei i a ttang mi hna cu bawlung in a hlen a hlen hna caah bawlung tinglo in a thluuk leen hna.

Kawl thlen hlan ah hin,Rev.Thangliansanga le a leittang nih hin kawl 3 tluk an kawl i,Pu Biaksiama le a hawi le nih cun an mah lei kawl pawngin an chuihpi hna i,an kawl lawnglawng a kawl sual lai tiah an veng hna tiawk khin an um. Asinain,Rev.Thangliansanga le a hawi le nih cun an kawl tthiam ko hna.

Kawl thlen hlan ah hin,Rev.Thangliansanga lei nih bia an hal mi hna i,Pu Biaksiama le a mahleo a ttang mi nih hin an let kho mumal hna lo i,Pu Biaksiama cu a holh lio ah chim ding a theih cawlhlo caah aw,aa tiin a um pah lengmang.Hi nih a langhter mi cu,Bible i ciahnak ttha a ngei lo hlahmaw tiawk khin a um.

Kawl thlen a si.Rev.Thangliansanga nih cun,Kawl thlen hlan i a chuih tthat ning phun khan chuih ttha peng dingin airuah,hi lio ah,Pu Biaksiama le a leittang hna nih bawlung cu an i lenh ve cang,Pu Biaksiama le a hawile nih an lei i bawlung an hei chuih/bia an halnak hna cu leh khawhlo mi an van ngei cang.

Hi an biahalnak pakhat ahcun,Tipil in nak ah hin ti paohpaoh hi a thianglo tinak maw a si i,a thiang bik mi ti hi a um maw,tiah an halnak cu,Rev.Thangliansanga le a hawi le nih cun an let kho hna lo,hi khawh caangka hin,Pu Biaksiama nih cun,duhtawk in bawlung cu ailenh i,Rev.Thangliansanga le a hawi le hna cu daidep in an um i,Pu Biaksiama le a hawi le thawng cu a ring ngaingai.

Kawl thlen hnu a donghnak tiang ah hin cun kawl 4 veve an i kawl cang i,a hnu ah Pu Biaksiama nih a donghnak bia a chim i,a duhtawk in a chim mi bia cu,Rev.Thangliansanga le a hawi le nih lehnak caan a um ti lo,caan ngei hna selaw leh ding tampi an ngeih ka zumh.Hi lio caan kha.Dr.Rual Uk nih a rak ngeih ve ahcun a taksa a fah dih ka zumh.

A sullam cu,UPC kong hi,Dr.Pc.Biaksiama le Dr.Rual Uk nih hin an buaipi bik mi pakhat ah aitel caah,a hawittha.Dr.PC.Biaksiama,mipi nih kan zumhnak in a cawl khawhlo mi a rak hmuh i a rak theih ve ko ahcun a um kho hrimhrim lai lo i,a taksa tiang in a faak dih kho ti khi ka chim duhnak a si.Asullam cu,Bible ah ka bochan caah a si.

Note:Hi kongah ttanh hlei in ka ttial lo,keimah nih a dongh tiang ka ngeih mi chungin ka ttial mi a si.Tuzan 23 June ,zan suimilam 8 pm,india caan ah khin ngeih khawhtthan a si lai.