Ting 25 man Ram an ngeihmi an zuar i misifak hna sin ah bomhnak apetu Pasha te unau

Kolar, Karnataka ah cun Lockdown ruangah nifatin kuli tian in paw aicawm mi chungkhar tampi an um. Mah hna chungkhar caah tiin Tazammul Pasha le Mujammil Pasha hna nihcun ting 25 man ram an ngeihmi an zuar i bomhnak anva pek hna.

Tazammul Pasha le Mujammil Pasha hna unau cu Real le Balhla hrawnghrang ah biatak tein chawlehthalnak atuahtu an si. Mah hna uanu nih cun Lockdown ruangah Kolar, Karnataka ah khuasa mi sifak hna cu rawl an dangh hna. Mah hna unau nihcun facang le meh tampi an cawk ah phawt chih rih hna tiah theih asi.

Tazammul Pasha le Mujammil Pasha hna unau nihcun chungkhar 3000 sinah bomhnak an pek hna. Mah caah cun Kolar i cozah nawl ngeitu hna nihcun mah hna unau thil tuahmi ah tuanvo ngeitu minung paoh poah cu lengchuah khawhnak nawl tiang in an pek hna.

Pasha te unau cu aupa deuh hi kum 5 a nghakchia deuh kum 3 anrak si lio ah hringtu an nule pa nih anrak thih tak mi hna an si. Mah ticun an unau tein an pi le pu hna sin Kolar lei ah pem in khua an sak sa. Tajammul Pasah nihcun nih a chimnak ahcun Kalor an rak pem lio ah hin an si a rak fak taktak tiah a chim.

Mah caah cun zeitluk in sifah hi a rak har tihmi cu mah hna unau nih fiang tuk in an theih caah Kalor miphun Covid-19 zawtnak ruangah rianttuan kho lo in Lockdown tuah an si caah eiawk ngei lo mi hna an sining fiang tein an hmuh hna caah tu bantuk in an ram ngeih bak cu ting 25 man an zuar i bomhnak an pek hna hi a si.

Note: Tulio kan vawleipi akan buaiter dihtu covid-19 zawtnak ruang lockdown tuah dih a si caah Kalor miphun hna bantuk in kan pawngkam ah eiawk ngei lo mi hna an um sual maw timi Pasha te unau an thil tuahmi nih lungfimnak kan pe hram ko seh. Mah cucu kan biak Pathian zawng nih akan duhpiak mi thil a si.