Thlacam In Bawm Cio Hna Sih: Covid-19 In A Zaw Mi Rev. Hai Vung Lian Cu A Zual Chin Lengmang

Thlacam Bawmhhalnak: USA, Ohio, Columbus , Emmanuel Chin Baptist Church Senior Pastor Rev.Dr.Hai Vung Lian cu a tulio Covid -19 zawtnak in a zawtnak ah Sibawi te nih dam lei panh lo in a zual lei deuh asi ti in kan theih caah kan lung ai nuam kho hrim loh.

Damnak tuante a hmuh khawhnak lai Zumtu dawtu nan dih lak nih Pathian sinah thlacamnak in bawm cio hna usih tiah kan sawm hna.

Chin Miphun kan caah Pacan in a kan dirpiak zungzal tu Rev. Dr Hei Vung Lian (Emmanuel Chin Baptist Church Ohio senior Pastor) cu a tu hi, Covid-19 in a zawt caah Columbus Ohio Hospital ah ai thlop liopi a si.

A tu hi Doctor’s te an lung a dong ko cang, Oxygen an pek i, Doctor’s te nihcun kan phoih cang lai, ruahchan awk a um ti lo an ti, nain chungkhar leinih kan phoih piak rih hlah uh an ti i, a tu cu phoih rih loin an um tiah chungkhar neihniam sin in kan theih.

Minung ruahnak lung cu a dong ko cang. Minung ruahnak a donghnak pinlei ah kan Pathian tthawnnak ai phuannak hnga thlacamnak in bawm cio hna usih.