Thir chuahlonak Korea ram ah thir hman cawklo in a um

South Korea ram ah cun thir a chuak lo. Hlanah an leitang ah thir sernak iron ore pelte a rak um bal ve nain an reu dihnak sau cang.

Thir sernak leitang chuak ngeilo South Korea ram ah cun thir cu hman cawklo in a um. Duh paoh in an hman. An hlonh, an hnon sawhmi pawl zat hmanh Kawlram pumpi chungah a um men lai lo.

Government approves pacts for supply of iron ore to Japan, South Korea through MMTC - The Financial Express

Zeicah cu tluk cun South Korea ah thir a tam? Thir chuan le thir ceer an rak thiam hmasa caah si.

Laitlang ah leitang thilchuak zeihmanh um lo ti awk si. Teddim lei Ruultlang leitang chuak timi zong khi bia vaivuan sawh si.

Laitlang chung hmun kip nawn ah ramkip geologists pawl nih an rak kherhlai bal. Dr. Vum Son rak į¹­ialmi zong kha dothlennak i lungthawhnak dingah a rak thai sawhmi si.

Ruultlang zong cu ramdang he Kawl he ralkap chan khan an rak kherhlai. Cuti pi ngai vai uan awk um lo.

Kan ramkhel minung hna nih nihin ni tiang an ceih tawnmi cu leitang thilchuak, leicung thilchuak in phaisa kan kawl lai ti deuh lawngte si. Laphet an cin. Tolre baa an cin.

Nain, an cinthlakmi caah ai hlawk cemmi kan si lo. Ai hlawk biktu cu a va cawtu hna an si. Shanram bing cing pawl cu an rum lo. Bing caw i a chuangtu pawl khi mirum cu an si. Zeidah a biapi? Sehhmuhzung maw? Nemmam!

Lairam ah sehhmuhzung ser ciammam hna sehlaw, Chin State cu leiba seikuraang khat he a ngeu te lai. Tolre baa khonnak, far thling khonnak, motorcycle le motor workshop ti hrawnghrang a tuahmi pawl lawng a cat baan in an nung kho lai i adang pawl cu an lawngpi in a taang lai.

Thairam ah Japan Company ngangan nih sehhmuhzung an tuahmi zei huaha aa chuah lo rel cawklo an si. An miphun tu cu tawzuar le hlawhhlang ah an ichuah dih.

Kawlram Thilawa SEZ zong khi Korea company nih zuan hnawh hna hlah sehlaw a ngeu ding tho an si. Lairam dirhmun le sehhmuhzung aa kaih rih lo. Credit: Salai C Alexander