Thingkung pakhat hmangin minung 20 hna nih kum thum chung chiandeih zuk an sermi

Thingkung pakhat hmangin minung 20 hna nihcun kum thum chungah liangruang an sermi Oriental Lion tiah kawhmi chiandeih zuk cu an rak ser. Zuk serthiam Dengding Rui Yao le a hnuzul pawl hna nihcun thingkung a ngan tak tak mi le a sen rong asimi cu lakin mah bantuk zuk an ser cu asi. Tuah cun mah chiandeih zuk cu Tuluk ram Hubai province Wuhan khuapi chung Fortune Plaza Times Square ah cun chiah asicang tiah theih asi.

2015 kum December thla ah Tuluk ram leiah meng 3000 khual lam an rak zulh hlanah cun mah zuk serthiam (woodcarver) hna nihcun kawlram chungah rian an rak tuan bal tiah theih asi. A saulei pe 47.5, a san lei pe 16.5 le a nganlei pe 13 tiang asimi mah chiandeih zuk cu Genius World Record ah vawleicung angan bik mi chiandeih zuk thing hmangin sermi asi tiah theih asi. Mah chiandeih lulei kap cu tha tein an milhtlorh nain alai hrawngtu cu amah thing umtu ning bakin thap thep thupin an chiah.

Mah thingkung cu khawzei indah an lak timi cu theih asilo nain Tuluk ram chungmi asiah cun Metasequoia thingkung phun cu sidawh asi. Mipi thilri hrangah chiandeih hman asimi nih cun Tuluk miphun pawl hna nihcun an nun phungah chiandeih nih hmun alak nak konglam theih khawh asi. khuachia pawl hna thawltu dingah tiin an siangpahrang in hmai phungki siangin hmai tibantuk zongah tampi an hmanmi hmuh khawh asi tawn.

Minung hi kan Pathian nih pahrang akan pekmi hi aidang cio bantuk in micheu khat nih cun an minung hawi hmanh nih an zumh khawhlo ding tiang khuaruahhar a tuahtu minung tampi vawlei cung ah hin an um. Mah bantuk hna minung lak ah cun a cunglei ka vun langhter mipa hna khi aitel ve mi cu an si. Thing hmanh bak mah bantuk lem hna vun ser khawh cu Pathian nih pahrang apekmi cu mi khuruahhar taktak a si.