Theihtlei: Premier League ah hlawh sangbik bawlung chuih thiam mi pathum hna

Premier League cu vawlei cungah hlawhtling bikmi League zuamnak pakhat asi tikah hin zanglek pawl hna thla hlawh an pekning zong hi asang tak tak. Zanglek hna nih mah thlahlawh zat nan ka pek ah cun karak ithial lai timi cu a um tuk thengmi asilo. Club le zanglek hna agent karlak i biak chonh nak nih an thlahlawh tlawm le tam cu arak ngeih tuk ve theu tawn. Tutan ah cun Premier League ah thlahlawh sang bik zanglek pathum hna kan rak langhter tuah lai.

1. N’Golo Kante – zarhkhat chung hlawh (pound 290000): Kante cu World Cup hraipi voi khat le Premier League hraipi voi hnih tiang arak thlir kho cangtu zanglek asi. Chelsea nih an puai chiartein amah adam that ah cun an chuihter pengmi midfielder pakhat asi. Kante cu mah bantuk hlawhtlin nak tampi arut tu asiko nain mitang ah ador thiam tukmi asi. Kante bantuk amah rian tha bikin atuan tawntu thlahlawh sanhpiak in minsen an thutpi than mi cu Chelsea nih an thawn nak pakhat asi. Kante cu tu ah kum 28 asii jersy number 7 a hruktu zong asi. Kante cu France ram mi asi.

2. Paul Pogba – zarhkhat chung hlawh (pound 290000): Pogba cu Manchester United arak phanh ka lioah cun amah zong arak inuam tuk pinah puai chiartein a thiamnak arak langter kho tawn. Sinain Mourinho hruainak tangah cun a dirhmun tha co than dingah a thazang dihlak chuahin arak izuam a herh. Zanglek le Coach karlakah ihmuh thiamlo nak arak chuak. Mah ihmuhthiamlo nak ah cun Pogba agent arak ihrolhpaih ve tikah cun an buainak cu azual chin lengmang. Club dangah a thial lai timi thongpang arak thang peng tawn i tu zongah a thial nak ding thongpang a than than tikah cun Europe club ngan hna nih an helh an naih pah cang tiah theih asi. Cun Pogba nihcun mah a hlawh(zarhkhat hlawh pound 290000) nak tam hmanh arak ngiattu asi. Amah cu France ram minung asi.
3. Mesut Ozil – zarhkhat chung hlawh (pound 306250): Arsenal arak ithial hnuah hin a thathu tukmi zanglek tiah amin arak thang nain a thlahlawh an rak sanh hnuah cun an club hrang zongah thazang tampi achuahtu le a thiamnak alanghter khotu zanglek pakhat ahung sicang. Ozil nihcun a thlahlawh tamnak konglam caihphai ngamtu um lo ding tiangin a thiamnak club hrangah alanghter chin lengmang tizong hmuh khawh asi. Ozil cu tuah cun kum 31 asive cangi amah hi Germany ram minung asi.