Thawngpang Thachia: Ukraine Thongtla 40 Mei Nih A Kangh Thih Hna

Ukraine War: Mei nih Ukraine Thongtla 40 a Thah hna. Russia tanhtu nih hmunhma an laknak Donetsk i thong a tlami Ukraine ralkap 40 cu anmah Ukraine kahmi bomb nih thi lak in a kangh hna, tiah Russia defense ministry nih a chim.

Russia-Ukraine War: What to know on Day 7 of Russian assault | AP News

Olenika i thonginn cu Ukraine rocket nih a tlak i a kangh caah a tlawmbik minung 75 hma an pu, tiah Russia official nih an chim. BBC nih pumpak in fehternak a tuah kho rih lo.

Thongtla pawl a hremmi hna tehte vialte hloh a duh caah, a tu bantuk in tuanbia a lehthlen hi a si. A kah hrim kan kap lo, anmah Russia nih an kah hram mi a si, tiin Ukraine ralkap lei nih an chim.

How could the Russia-Ukraine war end? Experts point to a number of possibilities. - The Boston Globe

“Miramhtu Russia pawl nih hin thatlonak an i tinh caah, kanmah Ukraine lehlam hi “war crime” a buarmi ah chiah an kan duh i, kan thongtla pawl an serhsatmi le Russia Federation Armed Forces nawlpeknak in mipi an kahmi vialte hi thuhnawh an duh caah a tu bantuk in kan sual an kan kawl hi a si,” tiin Ukraine General Staff nih a chim.

“Russia ralkap nih hin kan Ukraine Armed Forces pawl sual phaw duh hna caah, mipi inn le lo, minung an chahnak hmun kah an kan puh i, a tuahsernak thalo vialte thuhnawh ai tim i, cuhlan bangin ral kong i thawngpangdeuh thanh lei in ai la,” tiin Ukraine lei nih an chim.

May be an image of 7 people, people standing, military uniform and outdoors

Inn a kangmi le a chungmi miruak pawl cu Russian state TV ah video in thawng an thanh. Cu video zong cu BBC nih a fehter kho rih lo. Asinain, inn a kanghnak a ruang hi miakpi bomb ruangah si lo in, zinan hei ti bantuk a kang khomi thil ruangah sidawh in mifim pawl nih an chim.

Thongtla kan chiahnak inn bak dingteu tein bomb nih a tlak i, a thimi an karh kho men rih, tiin Donetsk People’s Republic i biachimnak nawl ngeitu Daniil Bezsonov nih a chim. US ser HIMARS hriamnam in an kan kahmi a si i, Ukraine lei nih ralsa hmanh an kan duh caah a tu bantukin an kah hi a si, tiin Russia defense ministry nih a chim.

Thong zohkhenhtu minung 8 zong hma an pu, tiin Russia defense ministry aiawhbiachimtu Lt. Gen. Igor Konashenkov nih a chim. Ukraine cozah mualphoh a kan duh caah a tu bantuk in lih fangfak tawn chom in sualkawl lawng a renh hi a si, tiin Zelensky i a adviser Mykhailo Podolyak nih a chim.

UN le International organization sinin lehrulhnak um kho seh, ti kan duh, tiin a duhnak a langhter. Russia nih tuksapur in a dang “war crime” a buar, tiin Ukraine foreign ministry Dmytro Kuleba nih Russia cu sual a phawt.

Hi Russia kut a phan mi thongtla Ukraine ralkap pawl hi May thla lio i Azovstal streel plant i a sungh a khanmi le Olenivka lei i Russia nih an kalpimi kha an si. Olenivka i thong an thlakmi kan Ukraine ralkap pawl hi Russia nih an hrem ngaingai hna, tiin Ukraine official nih an chim. Crd: Chelsea Bawi