Thaizing Ah Cun Khua Adei Te Ko Lai

Ralhrang hna ruangah lai hlum kan unau hna temtuarnak le harsatnak hi celh ding asi lo. A chinchap lo ah furpi faruahthawh lio asi, COVID nih dangkhat in a vun phak zuahmah hna, an temtuarnak ruah ah van zoh ah a saang lei zoh ah a pit ko. Sihmanhsehlaw kan tuarnak pinlei ah Kawl nih Chin miphun i rem lo dingin “divide and rule” ngian kum caan saupi a hman mi cu lungrualnak le tanttinak mei a kan kaupiak diam.

May be an image of 2 people, people sitting, tree and outdoors

Japan nih a herh lomi Pearl Harbor US ai kah sual i US ralkap 2,403 an rak thihnak nih American mipi thinlung ah faktuk in lungrualnak, Japan tuk duhnak thinlung a ngeihter viar ciammam hna i Japanese Imperial Isoroku Yamamoto cu faktuk in a rak sunghnak a rak si diam. Ralhrang hna nih nihin ah a kan hremnak hi Chin miphun lungrualnak caah thlaci an tuh cuahmah bantuk asi ve. Chin miphun kan tuanbia ah tu bantuk in kan i lungrual hi a um rih lo.

May be an image of one or more people, people standing, tree and outdoors

Salm 30: 5 nih “Zaan ah mitthli tlaknak um hman sehlaw zinglei ahcun lawmhnak a ra than ve” a ti bangin tu ah tap ko hna usihlaw zing niceu dawh sin ah khin nih caan kan phan ve deng cang, khuadei lai ahcun a muih a zual khun an ti bangin Dawtmi miphun hawi hna thaizing kan phan dengmang cang, khuadei dengmang cang, lungsau thinfual tein le him bawm tein thaizing cu hngak ko rih hna usih. Crd: Chelsea Bawi

May be an image of outdoors