Thailand Ah Tlanglawng Nih Bus A Pah, Mi 18 An Thi, Minung 40 Hliam Hma An Pu

Nizan zarhpini ah khan Thailand ram ah thilri phurtu Tlanglawng nih Bus a pah i minung 18 an nunnak a liam leng ah mi 40 fak taktak in hliamhma an pu tiah Thailand cozah nawlngeitu nih cun an chim.

Capital Bangkok khuapi in meng 30 ai hlatnak hmun ah a cang mi a si tiah theih a si. Bus cu remh awk tlak lo tiang in ai rawk dih leng ah Passenger minung 40 nih hliam hma an pu i a pawnglam sizungah an dihlak tein tlikpi cawlh an si.

Hliamhma pu minung 40 lak ah mi 23 hna cu dirhmun derthawng taktak ah an um tiah Thailand ngandam nak lei nawl ngeitu nihcun an chim. Minung 30 fak tuk i ai hliam lo mi hna cu an mah le inn cio ah tlunpi an si.

Zei ruang ah dah accident hi a chuah timi bia fiang theih khawh a si rih lo, nawl ngeitu nih hlathlai nak an tuah cuahmah lio pi a si. Tlanglawng lam kam i rak um mi kum 34 mi Pachitra nihcun accident cang lio ka hmuh cu ka ttihtuk nak ah lungfim lo in ka rak um tiah a chim.

Passenger vialte hna cu thihphannak in an um dih caah ttah thawng lawng tein Tlanglawng lampi cu a khat dih tiah a chim fawn. Mah thawngpang cu Thailand nawl ngeitu hna nih an theih le cangka bawmchantu an tlah cawlh hna tiah theih a si. Bus chung cuang passenger hna cu Bhudist an pathian hna angki va pe ding in a kal mi an si tiah theih an si fawn.

A tangah hin Tlanglawng nih a pah mi Bus lak chuah an timh cuahmah lionak video zong ka thil chih na duh ahcun rak zoh chih te. Ttihnung taktak khi a si. Bus ai rawk ning zoh ah khin an dihlak te i an thih lo hmanh khi khuaruahhar lei a si.

Video Link