Saya David Lah le a hawi minung pali hna tazacuainak ding nile thla cu fianter a si cang

Yangon ramthen acozah nihcun Saya David Lah le ahawi le minung pali cu sizung anchuah le cangka in Home Quarantine nisarih chiah an si hnu ah an case cu pelzulh in ciahpiak an si tthan lai tiah Daw Moe Meo Kyi nih cun a chim.

 

 

 

 

 

 

 

 

 

 

 

 

 

Saya David Lah le a hawile minung pali cu sizung in chuah an si lai maw si lai lo tihmi cu biafiang chim khawh a si rih lo. May 2 nizan biakhiahnak ahcun sizung in anchuah le chuahlo kong cu zeihmanh caih aum lo tiah Daw Moe Meo Kyi nihcun achim fawn.

Saya David Lah le ahawile minung pali cu cozah phung buar pohmah 25 hmang in tazacuai an si lai tiah Yangon ramtthen Covid-19 dohtu phu Emergency Response Committee ah arunzihmu pahnihnak U Moe Hing nihcun a chim.

 

 

 

 

 

 

 

 

 

 

 

 

 

Sizung in an chuah hnu ahcun an mah le inn cio ah an ttin hnuah tazacuai ansinak cu pehzulh in kalpi an si lai tiah theih a si. Mah hi thil upadi ning tein kan kalpi mi a si tiah U Moe Hing nihcun a chim. A chim tthan rihmi cu thong ah antla lai maw tla lai lo tihmi nak in cun an ngandamnak kha biapi deuh ah kan chiah mi a si taih a chim.

Saya David Lah le a hawile minung pali hna cu ngandam tein sizung i anchuah hmanh ah cozah phung an buar ruangah upadi ning tein tazacuai an si lai tiah theih an si caah zumtu nangmah le keimah nih an ngandamnak ca lawng hmanh silo in thongtlak nak tiang in an luat khawhnak dingah thlazacam nak in bomhchan cio ko hna su sih.