SARS bantuk zawtnak rungrul thar coronavirus ruangah North Korea nihcun Tourists pawl an ram luhnak nawl a phih chung lai

SARS bantuk virus rungrul thar ruangah Tuluk ram ah cun minung pakua hna nih an thihpi cang pinah mitampi hna nih an chonhbarh i an zawt thluahmah hna tikah North Korea ram nihcun anram ven nak ding hrangah tiin tourists pawl hna an ram chung lut kholo dingin nawl achuah lai tiah theih asi. Tuluk ramchung virus rungrul thar chuak mi cu America ram tiangah an ichonhbarh cang tikah WHO zong nih emergency meeting tiangin a kawh lai tiah theih asi.

Tuluk ram laifang hrawngah a um mi Wuhan khuapi chungin arak ithokmi coronavirus rungrul thar ichonhbarh ningcang dothlat dingah America ram telhin ram cheukhat hna nihcun vanlawng tumtual ah cun khualtlawng minung hna cu chekhlatnak an tuah konain North Korea ram tunih a hmaisabik ah tourists pawlhna ramchung luhkhawh lonak dinglam an phih lai hi asi.

Mah zawtnak hrik cu 2001-2002 kum lioah minung 650 tiang arak thattu SARS zawtnak he khan pehtlaih nak an ngeih tikah hin vawleipi nih a buaipi tuk hi asi. Mah zawtnak hrik cu aliam cia nitlawmpal ah khan Japan, South Korea le Thailand ram hna ah zawtnak hrik kengtu hmuhchuah an sipinah tuhrawng zongah America, Hongkong le Dubai hna tiangah arak karh manh nak kong zong theih asi.

Mah zawtnak hrik cu thawchuah nak lampi hmangin fawitein ichonh khawhmi zawtnak hrik asi tiah theih asi. Mah zawtnak hrik hi sibawite nih an chim ning ah cun a karh ning arang taktak tiah an chim. Mah caah cun ram tampi nih cun mah zawtnak ruangah hin an ram chung ah khualtlawng luh tiang hmanh an kham chung nak a si.

Kan vawlei khua caan zoh tik ah hnangam awk kan ttha hrim hrim tilo, thiamnak cu a sang chin lengmang ko nain zawtnak ttihnung a phun phun an hung chuak chin lengmang ve. Tu i China ram ah SARS tihmi zawtnak chuakmi hna khi minung kan caah ttihnung taktak mi cuap zawtnak phun khat a si.

Leave a Reply

Your email address will not be published.