Rul nih cuk akan timh lemlo bu in thah a herh nati ve maw?

Vawleicung ah hin thilnung phunphun le ramasa phunphun tampi an um I mah chung ahcun minung tampi caah ttihung ngai mi lak ah aitel ve mi pakhat cu rul khi a si. Hmanh sehlaw rul khi kan lamh, kan tlaih hna si lem lo ahcun minung a cuk timi khi theih awk a um tuk lem lo.

Mirang miphun hna nih cun rul an hmuh a si zong ah tthatlo in an tlaih i saram zuatnak hna ah ttha tein an chiah tawn. Mirang lawng hmanh silo in Mizo kan unau cozah hna nihcun rul tthah khi an duh bak ti lo. An hmuh a si ahcun an tlaih I ramsa dm ah an chiah hna.

Hmanh sehlaw mizo cheukhat hna nihcun rul an hmuh tik ah cuk a timh lem hna lo zong ah khin heh tiah an dawi an thah hna. An thah hmanh ahcun a sa eidun zawng si lem lo in hei hlonh sawh men ko. Mah caah cun rul tthat a sianglo tu hna nih cun rul nih cuk akan timh lem lo akan cuk sual dah tilo ahcun that hlah uh tiah heh tiah an aupi hna.

Rul lawng hmang silo in rasam phunphun hna zawng that khi Mizo kan unau hna nih cun biatak tein na khap cuahmah ve cang. Kan nih Laimi tampi cu ram kan kal tik ah rul, vate, thilnung phunphun ei awk a ttha lem lo mi zong kan hmuh le cangka in thah kan hmang ngai.

Mah caah cun Mizo kan unau hna nih an chim bang khin rul nih cuk akan timh lem lo ahcun ram kan kal tik ah rul kan hmuh poah kan thah tawnmi khi that aherhnak a um hme maw ti khi ruah awk ngai a si. Miphun dang hna nih cun an ei an dumi te lawng bak khi an thah hna bantuk khin kan nih Laimi zong nih cun rul, vate thilnung phunphun ei ding ah kan duhlem lo mi khi cu kan thah lo ah a ttha cem ko lo maw ti khi ruah awk ngai a si.