Ruhkhua fahnak adamter khotu na dinkhawhmi thil phun nga

Ruhkhua fah timi cu cawlcanghnak atuahlo tukmi hna sinah atlun khawh bantukin acawlcang tukmi zong nih ngeih khawhmi zawtnak phun khat asi. Kum upa le nghakchia deuh hna zong thleidanglo tein a uk khotu mah zawtnak cu ruahlopiin ngeih asitikah cun kan lung nih sivai dindingmi hna le thuh dingmi si hna adap theu tawn. Mah kan chim dingmi din dingmi thil phun nga hna nih hin na ruhkhua zawtnak adamter khawh lai.

1). Ti

Narel bakin asikho laimaw tiah nachim khawh men nain adikmi asi. Minung taksa chungah hin 70% cu tihe ser arak si tikah ti dat kan chambau asiah cun ruhkhua hna nih an cawlcangh khawhtuk tilo ruangah arak fak theu tawn ti asi. Na ruhkhua an fah canah cun nikhat ah ti 2 litre tal dinpiak tawn law, adam deuh hrim hrim lai.

2). Wine senmi

Alcohol telhmi dinding hna nih hin minung hna thluak chungah rian ava tuan tawn ruangah fahnak theih asi tawnlo. Sinain mah nih cun fahnak kan ngeilo hlahmaw tiah arak kan hlen men men khi asi. Wine senmi nihcun ngamdamnak akan pek pinah zennak zong adamter tawn.

Wine senmi ah um resveratrol timi dat nihcun fahnak kan ngeihmi hna kha adamter tawn. Nikhat ah hraikhat or hrai hnih wine senmi dinnak nihcun ruhcang zawtnak ngeihkhawhnak dinglam arak niamter pinah nu pawl thlachiar thil achuah lioah an dinpiak mi nih cun pawfahnak adamter taw. Wine senmi aumlo asiah cun grape theiin sermi thilthlum hang zong din khawh asi.

3). Ahmin dat telmi thei hang

Ahmin dat telmi theihang dinnak nihcun khuk fah adamter khawh. Sinain thei he lawng sermi hang dinpiak nakin dingchi he din ah cun atha deuh tuk.

4). Coffe
Kengfahnak atuartu hna nih coffee dinnak in damnak an hmuhkhawh. Zawtnak rak tlung dingmi zong arak kham khawh konain nikhat ah coffee hrai li leng din cu athalo.

5). Aithin hang le lakphak sen hang

Lakphak hring asiah lakphak ro asi zongah antioxidant achungah arak um ruangah ruh phingle ruhcang phing hna cu adamter khawh. Sinain lakphak hna hringmi din cu ruh le ruhcang hrangah cun athabikmi asi. Aithin zongah hin gingerol timi dat aum ruangah ruh phingmi adamter khawh pinah thahri fakmi zong adamter khawh.

Leave a Reply

Your email address will not be published.