Ruah Lo Pi Ah Hi Vialte Hi Na Phaisa Si Sehlaw Zeidah Na Tuah Hmasat Cem La?

Hi phaisa an vun post mi ka hmuh i a tang ah comment tu zaruk dengmang an um i an comment mi cu pakhat hnu pakhat in ka rel hna. Mi tam deuh nihcun ei an hawt tuk mi eidin pawl kha tampi kai cawk la tiah a ti mi an tam ngai ngai.

May be an image of indoor

Cheu khat nihcun Inn tha taktak kai cawk la a ti mi zong an um len. Cheu khat nihcun underware tam taktak in kai cawk la a ti mi zong an um. A cheu nih spicy noodles tampi in kai cawk la a ti mi zawng an um fawn.

Comment zaruk dengmang ka rel hna mah vialte nih an comment pekmi nih a langhter ngai mi cu mah le ttang huih nak bia hi a tam cem mi asi. Ci vialte comment lak ah “Vasty Khiangte” tihmi fb ngeitu nih comment apek mi te nih ka lungthin a ka tawngh cem.

May be an image of indoor

Vasty Khiangte nih comment a pek mi cu hi vialte phaisa hi nei ning law a hmaisa bik ah cheuhra cheukhat ka pek hmaisa cem la, cun ka fanu angki dawh te ka cawk piak la tiah comment apek. Mi tampi cu mi nih ca an ttial mi comment kan peknak nih khin zei bantuk minung dah ka si timi a fianter ngai ngai.

Nang teh hawi dawt hi zahzah phaisa nei law zei khi dah ka hei ruah hmaisa cem ngha? Hi phaisa na vun hmuh i keimah si sehlaw tihmi ka vun ruah bak i na lungthin nih a ruah mi kha na khuaruah taktak mi le na nunzia taktak cu an si.

May be an image of indoor

Relchap- Thantlang Dirh Ṭhan Kongah Ramkulh SAC Cozah Le Thantlang Khuanu Khuapa Meeting An Tuah
P

ur (June ) 30, 2022, cawn ninga ni ah Hakha khuapi ramkulh cozah meeting hall ah Thantlang dirh ṭhannak kong meeting an tuah i Chin ramkulh SAC CM Pu Ngun San Aung nih a telpi hna. Pu Ngun San Aung nih cun biahmaiṭhi a chim hnuah atu i an tuah liomi meeting cu Thantlang dirh ṭhannak ding kong a sinak, meeting a kaimi ramkulh zungkip ṭuanvo ngeitu hna zong nih Thantlang hi a hlan bantukin a si khawh nakhnga chimrel cio ding

Cun meeting ah aa telmi Thantlang khuanu khuapa le Biaknak lei upa hna zong nih Thantlang dirhmun le dirh ṭhannak ah a herhmi zalong tein chuahpi cio ding, a bik in ralzam hna Hakha i ṭhialkamnak kongkau ah ruahnak chim ding, cuti ralzam ṭhialkamnak ah harnak a um ahcun mawṭaw timhtuah piak an si lainak kong le Thantlang dirh ṭhannak kongah a biapi bikmi cu i zumhnak a si caah pakhat le pakhat cungah zumhnak ngeih a herhnak kong a chim.

Cu hnuah North Western Command i Deputy Commander Brigader General Myo Htut Hlaing nih Thantlang kahdohnak ruangah ralzam in a ummi hna an umnak hmunhma ah chiah ṭhannak le Thantlang khuapi a daih khawhnak dingah khuanu khuapa le Biaknak lei hruaitu hna i bawm in rianṭuanṭi a herhnak kong a chim ve.

Cu khawh cun ramri runvennak vuanci Brigader General Han Win Aung le ramkulh cozah chungṭuan (Secretary) U Maung Maung San nih Thantlang dirh ṭhannak rian ṭuan khawhnak dingah zungkip i ṭuanvo ngeitu hna zong nih a hlankan in timhtuahnak ngeih chung a herhnak kong an chim ve.

Cu hnuah Thantlang lei in Rev. Dr. Lal Uk, khuanu khuapa in Pu Ngun Hram, Pu Ram Khar le Pu Lawm Bik hna nih ralzam hna an tlun ṭhan khawhnak ding le Thantlang dirh ṭhannak dingah ramkulh cozah le ramkomh cozah nih kan tuahpiak seh tiah an duhmi chimrelnak an ngei ve tiah theih a si.

Meeting a kaimi ramkulh level zungkip ṭuanvo ngeitu hna nih Thantlang ṭhanchonak caah an ṭuan cangmi, an ṭuanlio mi le ṭuan an timhmi kong chimfiannak an ngeih hnuah North Western Command Deputy Commander Brigedier General Myo Htut Hlaing nih ruahnak peknak bia a chim hnuah SAC cozah Chin ramkulh CM Pu Ngun San Aung nih meeting kharnak bia a chim i an meeting cu an donghter tiah theih a si. Crd: TCP