Rithaisi zeihmanh B.I nih a tongthamlo tiah palik leinih cun an thanh cang

2019 kum chung K –pop vawlei cung thawngpang chia mi hna lakah iKON ah hruaitu hlun asimi B.I nih 2016 kum lioah khan rithaisi arak tongh bal timi thawngpang zong atel. Mah thawngpang arak than hnuah B.I cu iKON in asiah YG Entertainment zongin arak chuah ruangah mitampi lungnuamlo in an um hna pinah mipi thinhun nak zong arak chuak.

Mah bantuk thawngpang cu 2019 kum June thla lioah khan arak ithok cang i chekhlatnak zong mah thok khan tuah colh arak si. An chekmi result chuah khawh hlan karlak can chung cu mitampi nih thirle phangin an nghah hna. Sinain mah cheknak an tuahin thlariat hnu ah cun mitampi hna nih an nghahlang tukmi cheknak result cu February 27, 2020 ah cun arak chuak cang.

Mah thawngpang rak chuakmi cu mitampi hna lawmhnak chuahpitu thawngpang tha asi. Mah result nih arak langhtermi cu B.I nihcun rithaisi arak tongtham lo hrim hrim timi thawngpang asi. Mah puhnak arak tonning bangin B.I nih aluancia kum 3 lioah khan rithaisi arak tongtham tak tak maw timi konglam cu a sam in cheknak an rak tuah kha asi.

B.I nih 2016 kum lioah rithaisi arak tongh tiah arak puhtu cu Han Seo Hee timi nu pakhat asi. Mah puhnak he pehtlaiin B.I nihcun kha kum lioah khan lungretheih nak karak ton tikah rithaisi tiangin tongh karak timh. Sinain a chuahpi dingmi thatlonak konglam karuah than tikah cun karak tongtham duh than lo tiah achim. Mah bantuk thawngpang tha nih arak don tikah B.I nihcun tu kum chungah hlaphel zong ahcuah khawh lai zumh asi.