Rel A Nuam Khawh Ning Cu Rak Rel Ve Hmanh Natheih Bal loh Mi Thil Tampi An Theihter Tu Si La

Vawlei kong hi a cawngmi mithiamsang hna nih biatak tein an cawn i, ruahnak phun phun hmang in an dawthlat. Biatakte in van lei konglam (cosmology) an dawthlat i, philosophy sangsang hmang i an dawthlat hnu ah hmuhkhawh tawk pinlei thil a um tiah ruahnak an ngei, atu i a um tuning hi hmuhkhawhmi chungi thil a ummi ruangah hi bantuk i um khomi a siloh tiah an theih khawh.

Hi bantuk i umtertu thil pakhat khat a um i, energy/power menmai lo taktak, thil umciami vialte naki a tthawngmi thil a um tiah an ruah. Cu thil cu hmuh khawhmi a si loh, a rianttuan ning umcia mi kan hmuhmi le theihmi leng cu chim chap khawh a si loh, cu thil tello cun kan Universe hi hibantuk in a si kho loh ti kan theih ruangi cu thil cu a um hrim hrim tiah a zummi kan si.

Thil hmuh khawh lo, a rianttuanmi hmuhkhawh a si ttung mi a um, Zisuh nih hiti hin a chim Johan 3:8 “Thli cu a duhnak paoh ah a hrang ko. A thawng cu na theih. Sihmanhsehlaw khuazei in dah a rat i khuazei ah dah a kal ti kha na hngal lo. Thlarau in hrinmi paohpaoh cu cu bantuk cun an si,” tiah a ti.

‘Thli’ chimnak le ‘Thlarau’ chimnak hi Hebrew ca ah cafang aa khatmi (aa lomi) an si. Vawlei hi thli lawng cawlcanghnak bantuk i a ruatmi hna caah cun thli cawlcanghnak cu an hmuh khawh, sihmanhsehlaw Pathian thlarau cawlcanghnak i a ruatmi hna caah cun Pathian thlarau cawlcanghnak lawngte a rak si. Cucu energy/ power menmai lo taktak hmuh khawh lo in a cawlcangmi, Khawzei in dah a rat i khawzei ah dah a kal ti kan hngalh lo mi (thil pakhat khat Universe hi bantuk i umtertu) cu a si. Crd: Doris Rualthang Thangtea