Rathetaung peng Ah AA Le Kawl Ralkap Faak Ngai In An I Kaap Cuahmah

Rakhine ram, Rathetaung peng Aung-Tha-Zee khua in Meters 700 tluk hrawng a hlahnak hmun ah AA nih Sakhan pakhat an ngeih. Cu kaa sakhan cu a biapimi hmunhma a si caah kawl ralkap nih biatak tein an doh i laak an timhnak a sau ngai cang.

June thla thok khan an doh cang i, Oct thla in cun thla 4 lengkai pi a si cang. Cuca’h AA nih an celh ti lo i an sakhan cu Oct 4 ah khan an chuah taak i, kawl ralkap nih an hriamnaam zeimazat he an ting khawh hna.
Asinain, a thaizing Oct 5 ah timhtuahnak tha tein an ngeih dih hnuah an va doh than hna.

Suimilam 2 chung pehtlai tein an i kah hnuah an sakhan thing cu kawl ralkap sin in an laak khawh than. Kawl ralkap sinin hriamnam tam taktak zong an laak chih. Kawl ralkap hriamnam hi meithal 40 tluk aa tel, a dangdang zong tam taktak aa tel.

Cu sakhan an va laak than lio ah kawl ralkap minung 30 tluk kan thah khawh hna tiah anmah AA lei nih an chim. AA hi an rak men ve hrimhrim lo. Kawl ralkap nih thla pi thla 4 chung faak taktak in a kah hna hnuah an laak khawh nain, AA nih suimilam 24hr chungah an laak khawh than ko.
Ref: AA Info Desk