Rasia Defense Minister Sergei Shoigu Biachim Cu Ukraine Caah Cun Lungrawk Taktak A Si

Russian Defense Minister Sergei Shoigu: “Putin nih a Rian Vialte a Lim cikcek hnu lawngah Ukraine Ral kan Mak Lai”

Russian generals risk themselves to motivate troops after sluggish advance | The Times of Israel

“Nihin i kan i timhbikmi thil hna cu, kanmah nakin a derthawm deuhmi hna an nunnak le ngandamnak humzualpiak le, mipi an himnak a hnursuangtu hrawhpiak hi a si.

Kan Supreme Commander nih a kan fialmi rian vialte kan lim cikcek hnu lawngah hi “special military operation’ hi kan ngol te lai,” tiin Shoigu nih Russia media outlets ah a chim.

Anticipating a New Russian Military Doctrine in 2020: What it Might Contain and Why it Matters - War on the Rocks

Ukraine hi hranhram in ka luhhnawh lo, “a hleice ralkap thazang in cawlcanghnak” (special military operation) kan tuah tu a si deuh, tiin Putin nih a ti tur ko rih.

Ukraine an kahnak a ruang he pehtlaiin, Moscow hi a lung a thum kho hlei rih lo. Asinain, Putin nih Ukraine a luhhnawh ruangah minunghawi cungah fahnak fakpiin a tlung, WWII hnu ah Europe a himnak hnuarsuanbik a hung si.

Russia's Soldier Selfie Ban Fights Open-Source Research - Atlantic Council

Ukraine nih hriamnam i ngeih lo dingin le, cun Nazi lungput a ngeihmi hi ka ralkap pawl nih an hrawk cikcek hna lai, tiin Ukraine a luhhnawh ka tein khan Putin nih a chim.

Kyiv ah Nazi nun a cawngmi an um, tiin Russia nih a chimmi cu Western le Ukraine officials pawl nih an cohlanpiak kho lo. Judah mi a si mi Zelensky hi democratic phungning tein President ah thim a si, tiin an langhter.

Russian defence minister's fleeting reappearance adds to mystery | Financial Times

Ukraine khualipi lak colh ai timhmi hrimhrim nih hin Russia nih a hlantein ai tinhmi zei a si, ti a langter pinah, voihnih thiang President Zelensky a zung (palace) Russia ralkap nih an luhhnawh mi hrimhrim nih hin Zelensky hi an rak rem an rem hrimhrim lo ti a langter.

“Keimah hi a pakhatnak i an i hmaithlakmi cu ka si. Cun ka chungkhar hi a pahnihnak an i hmaithlakmi an si ve,” tiin February lio tein khan Zelensky nih a ral chim bal.

Putin nih hin Zelensky thilh hi ai tim peng i, Kremlin duhzawng in a ummi President thar thimpiak a tim, tiin Wester officials pawl nih ralrinbia an rak chim bal cang.

Asinain, ral an tuk thla khat a rauh hnu tiang zongah khuapi Kyiv cu Russia nih ai ruah ningin a la kho than lo i, a ralkap cu a kirter vuk hna i, nawlnolh in Ukraine nichuahlei le chaklei hmunhma vialte a ningpi in lak dingin tor le cheng in a ralkap a kuat hna.

Donbas pengkulh chungum Luhansk khua cu kan lak khawh cang i, a tu hi Donetsk a chunglei pi tiang pilh rih dingin kan ralkap pawl kan chek lio pi a si, tiin Sunday ah khan Russia nih thawng an thanh. Donbas pengkulh pumpi cul in kahdohnak fakpiin ai pehzul peng ko rih.

“Russia nih kan rilip khua le pengkulh vialte a lak khawh dih cang ko nain, ngol ai tim hrimhrim lai lo. Kyiv hi nawlnolh in a vun fuh rih thiamthiam te lai,” tiin Ukraine officials nih ralrinnak thawng an thanh. Crd: Chelsea Bawi