Ralhrang Nih Naypidaw Council Chairman Hlun Dr. Myo Aung Kum 15 Thong Tla Ding In Bia An Ceih Piak

Naypyidaw Council Chairman Hlun Dr. Myo Aung Kum 15 Thong Tla Ding in Biaceihpiak A Si!Naypyidaw Council Chairman Hlun Dr. Myo Aung Kum 15 Thong Tla Ding in Biaceihpiak A Si!:

Naypyidaw Council Chairman hlun Dr. Myo Aung cu ziknawhnak case in kum 15 chung thong tla ding in June 22 ah bia ceihpiak a si i, deputy mayor hlun U Ye Min U le U Min Thu cu kum 3 veve thong tla ding in bia ceihpiak an si ve, tiah theih a si.

“Dr. Myo Aung hi ziknawhnak case 5 caah case pakhat ah kum 3 cio in, a dihlak kum 15 thong tla ding in bia an ceihpiak. Thil sining a dihlak cun theih a si rih lo,” tiah lawyer pakhat nih a chim.

Dr. Myo Aung hi biaceihnak hmasa ah phungrelnak 505(b) in kum 2 thongtla ding in bia an rak ceih bal cang caah kum 17 thong tla ding a si.

Cun U Ye Min U zong a luancia June 20 ah khan ziknawhnak case 5 caah thong 15 tla ding in bia an rak ceih cang caah, atu tan i he cun kum 18 thong tla ding a si.

U Ye Min U hi Nyipyidaw deputy mayor le Naypyidaw Development Bank lutlaitu le Yangon ramṭhen Ministry of Planing and Finance ah Minister zong a ṭuan bal mi a si. Crd: The Chin Post