Ralhrang Nih An Khangh Mi Mungtapin Khua Ah Mi 20 Ruak An Hmuh

YeOo le Mungtapin Khua Ah Khua Mi 20 Ruak Hmuh A Si. YeOo peng, Mungtapin (မုန်တိုင်ပင်) khua ah phung-ki 3 telh in khua mi 40 hrawng cu nizaan May 12 ah SAC ralkap nih ralphaw ca ah an tlaih hna hnu in, nihin May 13 zinglei ah khua mi 20 hrawng ruak cu hmuh an si, tiah tualchung mi nih an chim.

May be an image of outdoors

SAC ralkap hna cu a luancia May 10 ah khuachung ah meithal i puah pah in an luh caah, tualchung mi hna cu a himnak hmun ah an zaam hna nain, hawi zaam lio ah zaam lo in khuachung ah a um mi cheukhat cu SAC ralkap nih an tlaih hna, tiah tualchung mi nih cun an chim.

Nihin May 13, ah tlaih a tong mi hna chung in nunnak a liam mi hna ruak cu khua pawng ah hmuh an si, tiah YeOo peng tualchung hriamtlai phu nih nihin May 13 zinglei ah an thanh. “Nizaan ah tlaih a tong mi hna chung in minung 8 cu an luat i, SAC ralkap kut in a luat mi hna nih cun, ‘Rawl zong an kan pe lo, nilin lakah an kan pho,’ tiah an chim.

May be an image of outdoors and tree

Nihin zinglei ah miruak hmuh mi 20 hrawng an si cang, cheukhat ruak cu an kut hri tem bu in mei an khangh hna, cheukhat cu an mui zong a fiang ti lo,” tiah Mungtapin (မုန်တိုင်ပင်) khua in a zaam mi pakhat nih BBC ah a chim.

Nihin May 13, ah SAC ralkap hna cu YeOo peng Pegyi(ပေကြီး) khuachung ah lut in khuachung inn 70 in 100 hrawng cu an hrawh i, facang tin 1,000 leng zong kan sung, tiah YeOo pah-kah-phah phu nih an thanh. SAC ralkap lei nih cun YeOo pengchung thil cang mi kong ah nihin May 13 chunhnu tiang ah thawngthanhnak an tuah rih lo. Crd: TCP

Leave a Reply

Your email address will not be published.