RALHRANG BOMB RUANGAH MIPI RALKAP 3 AN NUNNAK LIAM

Lawngtlai, 04 Chiapa 2022 : 2 Chiapa zinglei suimilam 11:09am thawkin ralhrang nih Mindat peng khua 2 ah mizapi inn le Biakinn, sianginn hna cu vanlawng in voi 2 bomb an thlak.

Ralhrang kahdohnak ruangah mizapi ralkap 3 an nunnak a liam i, hliamtuar mi zong an um, sianginn pakhat, Biakinn pakhat le mizapi inn hna cu an rawk dih.

Hi kahnak ahhin rawitu an um caah a si i, rawitu le ralhrang cu anmah le an i tlak ning in lehrulh a si lai.

No photo description available.

2 Chiapa zaanlei suimilam 5:15pm ah meng 4 ah a ummi ralhrang le LIB 274 Battalion gate cu CDF-Mindat nih an va kah hna i a thimi zong an um kho tiah zumh a si. Crd:The Lairam Times

Relchap- Thantlang Upa/ Pastor Le Ralhrang Tawnnak An Ngeih Hnu I Ralhrang Thil Tuah Cu Huat An Tlai Taktak

Nizan tihni ah Thantlang upa/Pastors /le ralhrang bawi hna nih TT kir tthannak ding kongah caih hmainak an tuah.Pu Ram Khar fianter mi ah cun ” kir usilaw kan him lai maw,security lei ah” tiah Uitum sinah halnak tiang an tuahnak a post kha si.

Mah TT upa le pastors hna an itonnak ah ralhrang bawi an lunglut ngai rua le,nizan ah khan,Thantlang mipi nih TT an hlam le kirnak kong he pehtlai in Halkha Pastors te cu ralhrang nih an auh hna i tonnak an ngeitiah theih si.

Mah i tonnak cu zei btk tonnak dah ti siloin Thantlang kongkau kirnak kongah a si hoi.
Thantlang upa le.pastor hna tonnak a dih sinin Thantlang innlo khaang le duah dih tucu CDF an si tiah ralhrang nih HK khuachung aj ca an taar colh hi si.

Thantlang upa le Pastors tlawmpal nih ralhrang an ton hna bak in mah ca hi ralhrang nih Halkha khuachungah an taar colh. “CDF nih Thantlang an kangh ,an duah” tiah an phomh colh ko. Crd: Salai William HC