Ralhrang An Sunghnak Ding Ah Caan Tlawmte Lawng Ai Duh Tiah Dr. Sasa Nih A Chim

Vawleipi tiang nih an theih taktak mi Dr.Sasa cu kan theih dih cio bang in Laitlang khuate Lai Len Pi khuate ah chuak mi asi. Hmanh sehlaw khuate taktak ah a chuak ko nain nihin ahcun vawleipi nih a theih mi minung ah a hung i cang.

Tuah hin Dr.Sasa cu NUG zazi cozah thar ah ramdang he pehtlaihnak ah ttuanvo an pek mi pa a si. Min Aung Hlaing te phu an sungh khawhnak ding ah dinh ni caan hmanh nei lo in a cawlcang mi pa a si.

Dr.Sasa nih MM best Channel ah bia a chim mi nih mipi lung a kan lomhter ngai ngai. A chim mi cu, Ralhrang pawl an sunghnak ding ah ni tlawmte lawng ai duh cang tiah a chim. A biachimnak a tang ah hin ka vun thil chih!  Video link zohnak

Hringtu A Nu Le Pa Cu Zei An Si Lo Nain Pathian Nih Vawleipi Theih Ah A Cawisan Mi Dr.Sasa. Dr. sasa hi a nu le a pa hna cu zei an si lo nain amah cu pathian nih Joseph bangin a cawisan mi asi.

Khuaruah har in a cawi san pathian nih, laiphung thluk ah ‘thinghmui san chel ramh san chel ti asi’ bang minung hi nulepa chan ah, santlai lo si hmanh usihlaw, kan mah chan ahcun mi lian ngan taktak si khawh tuk a si ko.

Atu ah mi si kho ngai si le pipu chan lio zong ah mi si kho ngai si le tuanbia ttha ngeih zong ah si ning i thlen khawh a si, i phorhlawt ah cun Pathian nih tang ah fawite in a thlak ko hna lai.

Hlan lio ahcun Dr. Sasa zong chungkhar sifak taktak in a rak tthanglian mi asi ko nain Pathian nih a vun cawisan ciamman cu vawleipi mi theih le mifim pakhat dirhmun ah a hung dir ko.

Tu na dirhmun ah dirhmun chia ngai si ko hmah law Pathian duh ning in na nun ahcun Dr. Sasa bangin Pathian nih an cawisan caan a phan kho ve ti kha philh bak hlah.

Hmanh sehlaw tu na dirhmun ah dir sang ngai na si ko zong ah Pathian duhning i na nunlo ahcun dirhmun diam bik. naita bik dirhmun ah Pathian nih cikhat teah an tthumh khawh ti kha pilh hlah.

 

Leave a Reply

Your email address will not be published.