President Trump Ngandam Nak Ding Caah Rawlulh Tlacam Piak Tu Pa A Nunnak A Liam

Vawleicung ah ram rum bik le thawng bik America President ttuan cuahmah tu Doland Trump cu India pa pakhat nih a ngandam khawhnak ding caah tiin rawlulh thlacam piak nak a ngeih lio ah a lungtur a dih i a nunnak a liam.

Mah thawngpang cu The Hill timi thawngzamh phu hna nih an langhter. Mah India pa hi Covid-19 zawtnak a kai mi President Trump caah rawlulh thlacamnak nili chung a nei i ruah lo pi in a nunnak a liam hi a si.

A thi mi pa min cu Bussa krishna tiah an auh mi a sii, kan hnung zarhpi niah an chungkhar in lakphakti an din cuahmah lio pi ah khin a tlu i a ran nak in sizung ah an tlikpi ko nain sizung an phanhpi ahcun a thaw a rak um ti lo tiah theih a si.

A thi mi Bussa Krishna hi a thih ah hin kum 33 minung a si tiah a chuahpi a far nu Bibibat nihcun a chim. Trump nih Covid-19 zawtnak a ngei tihmi thawngpang a theih le cangka in a lungrawk tuk i rawl hmanh a ei duh ti lo tiah a chim.

Bussa Krishna nih hin a mang ah President Trump a hmuh i mah hnu bak cun a hmanthlak/ lem hmai ah khukbil in a biak lengmang tiah theih a si. A tang ah hin Bussa Krishna nih President Trump hmanthlak a pathian ah hmang riangmang in a biak lionak video ka chiah chih rak zoh ve hmanh khuaruahhar ngai a si.

Video Link

You cannot copy content of this page