Pi Lalnunpar Nih A Fa Thla 4 Mi Le A Unau 2 A Thih Tak Hna

Mizoram Aizawl Kulikawn sang ah khuasa mi Pi Lalnunpari cu nizan november 26 ah khan cuap TB zawtnak ruangah a fate thla 4 mi le a unau pahnih a thih tak hna.

An fale hi nu lawngte an si i, a upa bik hi kum 13 i upa lawng a si rih tiah theih asi. Hringtu an pa cu mi kuttang ah rian ttuan in nichiar kuli a ttuan zungzal mi a si.

Rian a ttuan kar ah a fale inn lei ah an herhhai vialte a rak zohkhenh piak zungzal tawn tu a nupi nih a vun thih tak ruangmang mi ruah ah thinlung nih a celh hrim lo.

Thlalak i kan hmuh bantuk in an fate thla 4 mi cu hringtu a nu a thi mi ruak cung teah an ihter. An fate nihcun ka nu hi a thi cang tih hmanh nghal lo i a um mi hmuh cu celh ding a si lo.

Bawipa nih chungkhar nan khuasaknak ah ttuavo in la ko hna seh. Nan ngaihchiatnak vialte anung kan Pathian nih in hnem ko hna seh.

Relchap-Ralhrang Pawl Nih Lentecelhnak Ah Kan Khualipi Thantlang Cu An Kan Hman Cang
Lentecelhnak ah an kan hman cang ko hih,kan CDF pawl le a cheu cu sinak duh ah a buai tawk an rak um ve tawn hawi le kan poi tawn ko.

November ni 24 zaan lei suimilam 3:30n hrawng ah Thantlang khua inn an khangh than tiah kan theih. Inn a khangh nak hmun hi Thantlang thlang lei deuh ah si dawh asi, alanghlat in a si caah kan fiang kho ve lo, inn zei zah dah akang ti mi kong zong fiangin kan thei kho rih lo.

Mei cu akang cuah mah ko, Hi inn khang tu hi ralhrang nih an tuah mi si, khua chung ah ralhrang dah ti lo mizei hmanh an um ti lo tiah alangtlang in mit hmutu pakhat nih The Chin Post ah achim.

Ralhrang nih uk nak an lak hnu Thantlang khua ah inn an khangh hi avoi 7 nak asi cang, inn 200 renglo aciam cang. Thantlang khua inn a kaang than mi inn 10 in 20 kar hrawng sidawh a si, inn 220 tluk a kaang cang.

November 24 zaanlei ah Thantlang khua Sianginn Sang (Certual kiangkap) ah a tlawmbik inn 10 in 12 kar hrawng le Palek-Leen liamlei (Lahva lei) ah a tlawmbik in 5 a kaang than i a dihlak ah inn 10 in 20 kar hrawng a si lai, tiah kan theih.