Phone Zoh Peng Mi Nih Tuah Hrimhrim A Herh Mi Mit Exercise Tuah Ning Phun (6)

Tu kan chan cu kan theih dih cio bang in IT chan ah kan hung cuah ve cang caah cathiam mi he thiam lo mi he Boble phone tawngh cio asi. Kan theih dih cio bang in chan ai thlen ning a rang tuk cang caah sifak te chungkhar hmanh nih phone 2,3 neih dih cio asi.

Mi tampi nihcun an Moble phone hmang in phaisa an kawl i tampi hmuhnak an hman lio caan ah cheukhat cu nule pa bak nih balance thun piak chawm in zankhawdei dengmang tiang game kah a hmang mi zong cu rel cawk lo an um ve fawn. Company lei nih Moble phone an ser hi cu cheukhat caah cun man ngei taktak a si ko lai nain cheukhar caahcun rawhral nak pakhat ah ai cang ve.

Kan theih dih cio bangin mino tete nih an Moble phone hmang in heh chun he zan he games an ni kah ciamman cu kum no tete in mitrawk cu vawleicung ah ah hung karh ngai ngai. Mah chung ahcun kan Lai mino hna le kan fale kum tling lo mi tiang in an luat kho ti lo. Mah ruang ah tuchan kan fanu fapa hna cu tu hnu kum 40 minung hrawng an hung si tik ahcun mit khua hmu lo hmanh zeitluk khin dah an hei tam te ngha ti cu ruah khawh a si.

Minung tampi cu phone, computer hmang in games an ni kah tik ah screen ceu tuk mi suimilam caansaupi chung an zoh peng ruang ah kum no tete in mit ttha lo an tam taktak cang. zeiti hmang in nule pa nih thlauh awk nih le an tthat fawn lo caah a tanglei ah hin phone a zoh peng mi hna nih mit exercise phun ruk ka rak langhter mi hi rak tuah ve.

1. Munite hnih chung na mit thep

2. Na hmai lei kha zoh law na lu kha sir lei kha zoh piak lengmang

3. Munite 5 chung na mit kha chinh piak

4. Second tlawmpal chung kha na mit falpi in chinh piak tthan

5. Na mittlang hrawng hrang kha hmeh piak

6. Lam hla lam nai kha munite pa nga chung hrawng zoh piak

A cunglei ka langhter mi mit exercise tuah ning phun ruk hna cu a saw sawh ah na ruah khawh men, a saw sawh a si hrimhrim lo, hlathlai tu nih tha tein an hlat hnu ah an rak langhter mi a si caah tthathnemnak tampi an pek ve hrimhrim lai. Mah caahcun zeihmanh a si lai lo ti men ruang ah tuah lo in um hrimhrim hlah.