Phakanh Suikhor Cawhnak Accident Cang Mi Ah Mithi 113 An Phan Cang

Hi tluk thawngpang chiat lio ah Hpakan (Phakanh) thil cangmi ttihnung taktak khi a si. July 2.2020 zinglei suimilam 6:30am ah ruahlopi khin suikhor an cawhnak Gwi Hka Mare tlang cim nih atang tili cu ttihnung taktak tilet a thawhter ruang ah minung tam taktak an nunnak a liam.

Chun suimilam 12:00pm tiang ah khan ruak 113 hmuh an sii, nawl ngeitu nih anchim ning ahcun minung 200 lengkai zawng ah si kho tiah an chim. Nawl ngeitu nih an chim ning ahcun a thi mi minung 100 nak hmanh in tam deuh khawh an si tiah anrak chim nain suimilam 12 tiang ah khan mi113 ruak hmuh an si.

Minung 13 cu hliamhma fak taktak he hmuh an si i, a ran nak in sizung ah thlikpi cawlh an si. 2019 kum chung ah khan suikhor cawhnak tlang voi 46 arak cim i minung 40 reng lo nunnak arak liam tiah theih a si. Nawl ngeitu nih an chim ning ahcun tuni accident chuak mi hi Phakanh suikhor cawhnak ah mithi an tam cem a si tiah an chim.

Phakanh suikhor cawhnak ah khin Kum chiar tein minung tampi suikhur cawhnak tlang cim ruang ah mi tampi nunnak a liam lengmang tawn. Tuni July 2.2020 ah Kachin pyine Phakanh myone Saih Hmu Uksuh, Gwi Hka Mare ah suikhur an cawhnak tlang a cim i minung 100 leng an nunnak a liam tiah anrak chim ko nain suimilam 12 tiang ah khan mithi 113 hmuh an si cang.