Phakanh Pengkulh Manah Khuabawi Meithal Kah Nakin A Nunnak Aliam

Phakanh pengkulh, Manah khuabawipa cu nihin chunhnu suimilam 2 hrawngah min theihlomi hriamtlai phu hna meithal kah nakin a nunnak a liam tiah theih asi.

May be an image of text that says 'THE 74MEDIA'

NLD party in khuate lei chairman riantlaitu pakhat simi U Tin Soe cu min theihlomi hriamtlai phu hnanih motor cung in an kah tiah a hmutu hna nih The 74 Media ah a chim.

“A tu bantuk in an tuah mi hi, a tuahtu zong theih an si lo, motor pakhat a ra i ,minung pahnih nih meithal in ankah i a nunnak a liam colh, a thilchuak mizong kunza dawr ah thi lawngte aidil” tiah a chim chih.

No photo description available.

U Tin Soe hi meithal in voi riat tiang kah in anunnak a liam. U Tin Soe (kum-46) cu Manah khua ah Khuabawi kum nga hrawng a tuan cang mi asi. Crd: TCP

Relchap- Surkhua pawng ah CDF le SAC Ralkap kahdohnak aa thawk. CDF နှင့် SAC အကြား Surkhua မြို့အနီးတွင် တိုက်ခိုက်မှုများဖြစ်ပွား

CDF le Kawl Ralkap pawl cu nihin May 31, zaanlei sml. 3 fai Senthang peng khuapi Surkhua ah an i kap cuahmah cang tiah kan theih.

“Surkhua khuami cu kan tli thluahmah ko cang hna. Surkhua in Aika (Matupi) lei kalnak Leihva ah Matupi lei in rak ra mi Kawl (SAC) Ralkap le kan fanau cu an i kap taktak ko cang.

An meithal thawngpang zong khua in kan theih khawh thluahmah cang. Thlacamnak in rak kan bawm ko u law, tiah tlikpah le thawpi chuah bu in nunau pakhat telh in khua mi nih a hun kan chonh.”

Zeitindah an i kah ningcang a si, zei tluk tiang dah a fah timi kong ah thanh awk a tha mi vial thanh khawh kan izuam than te lai.
4:00 pm –

Global Surkhua (Facebook) Page nih “Surkhua le Aika karlak ah Ralhrang le CDF an i kap lio pi a si. Khuanu khuapa pawl zong ram lak ah an tli dih tiah khua mi sin in thawng kan theih. Bomh zong an puak len an ti, caah CDF pawl Bawipa nih um pi ko hna seh.

(Edit thante lai kan theih chap mi a um ah cun…) tiah an langhter. Senthang peng, Surkhua ah a kap cuahmah mi CDF mino caah thlacam piak hna u sih. Crd: TCLP