Phaisa Tampi Dih Hau Lo In Fawi Tak Tak I Hafah/fak I Thlopbulnak Ning Phunthum

Zawtnak hi vawleicung ah phun tampi a um i mah chung ahcun minung tampi zawtnak vialte lak ah a fak cem le a har cem a si lai tiah an ti mi zawtnak cu Hafak zawtnak khi a si. Hafak zawtnak cu zeitluk in dah a har le a fah timi cu a ing ve rih lo mi caah cun chim awktlak cu a si lem lai lo.

Hmanh sehlaw Hafak a hmang tawn mi hna caah cun zeitluk in a fak tihmi cu chim khawh ding hmanh khi a si lo. Patling/ Nutling bak khin Hafak ruang ah chunchun zanzan bak in a ttap mi zawng an um tawn. Minung tampi an Hafak mi ruangah phaisa tampi dih in sizung ah aipiah mi zawng tampi an um tawn.

Phaisa tampi an dih hnu hmanh ah khin minung tampi cu an Hafak a dam kho hlei lo mi zawng an tampi ve. Mah bantuk minung pawl caah fawitein Hafak damter ning le i thlopbul ning a tanglei ah hin ka rak langhter hna.

A hman ding mi kokek sii hna cu: Pakhatnak ah Changreu sernak Soda, Pahnihnak Reite ( Limbu) Pathum nak Aihre– meh kio caan i kan thlak tawn mi. Mah hna pathum cu Reite hang, Soda le Aihre he khan cawh mi kha cucu nikhat ah vawi lengmang in na Hafak nak ah khan thuh piak.

Nikhat ah vawithum peng zarhkhat chung na thuh piak ahcun zeitik zawn ah khin dah na Hafak a dam hmanh na thei manh lai lo. Mah kokek sii phunthum hi zum lo rak um hrimhrim hlah Hafak hmangmi hna nasi ve sual ahcun rak tuah ve hmanh naa ngaihchih bak lai lo.