Phaisa angeihtilo ruangah Zaw le Myitkyina karlak a ke bakin khuallam apehtu zangfahum tarpa

Myitkyina khualeiah afapa tlaumi kawltu tarpa pakhat cu akenmi phaisa nih adih tak ruangah ake bakin khual lam apeh lioah minung pakhat nihcun ava hmuh tikah Katha Indaw lampi cungah Kahtha hauka ah cun ava hmuh tikah, amotor cu dirterin kapu khawzei nakal lai tiah ava hal.

Mah tarpa nihcun hmaiteah khin asicang tiah achim tikah hmaite timi cu ahlat rih maw ka mawtaw chungah rak lutve law kan phurh lai tiah mawtaw monghtupa nihcun asawm. Motor cung kaipah cun tlawmpalte cu ahlat rih ko, Myitkyina khuapi ah kaldingmi kasinain ka phaisa nih an dihcang ruangah nizan khan Thichaint in kein ka kalcang tiah achim.

Motor monghtupa nihcun zeitin e tiah ahal tikah cun abiachimmi cu apeh than. Myitkyina, Maymyint sangin ka fapa in in achuahnak thlariat asicangmi kawldingah kachuahnak cu thlakhat hlei asicang ruangah ka phaisa kenmi nih aka dihtak i tubantukin kein ka kalnak asi tiah abia apeh than.

Ka pu rawl na eicang maw tiah ahalnak cu minih an ka danghmi khauhsuai khengkhat cu ka eicang tiin aleh. Cuti asicun rawl kan dangh laii cun motor gate ah kan thlah lai tiah ati tikah ka rawl atamlo tiah aleh. Mahti asicun phaisa thong nga ka ngeihi kan pek laii motor gate ah cun nasining pawl chim hnalaw icit tiah phaisa cu apek.

Mahbantukin phaisa thongka pek atawngtu afapa kum 21 minung akawlnak ah phaisa nih adihtak ruangah kein khuallam apehtu mithmai ah cun nghakchia kawlbantuk bakin vansannak hmuhkhawh asi tiah aphurtupa nih cun achim chap.

Motor gate tiang thlah kaduh tuk konain phaisa ka ngeihbak tilo ruangah zeiti awk thalo tiah achim. Cun facebook ah kan tarpiak lai kapu na hman kan thla kho nghamaw tiah ka hal tikah cun angahko tiah aka leh tikah ahman cu kathlak piak tiah achim.