PDF Sakhan SAC Ralhrang Nih An Luhhnawh Hna I PDF Ralkap Pahnih An Nunnak A Liam

Pakokku Hrambunh PDF Sakhan SAC Nih Luhhnawh In An Khangh, PDF Ralkap Pahnih An Nun Nak A Liam. Magway ramhen, Pakokku hrambunh Dragon Brothers Guerrilla sakhan cu, nizan November 23 ah SAC ralkap nih Luhhnawh in an khangh piak hna pinah PDF ralkap pahnih tlaih an ton hnu ah an nun nak a liam tiah theih a si.

Zanlei sml 5:00 hrawngah SAC nih an sakhan an luhhnawh hna hi a si i,Sakhan i sentari cong in a um mi Chit Tey le Phu Lone cu ralhrang nih anthlaih hna hnu ah an nunnak a liam tiah Dragon Brothers Guerrilla phu nih an thanh. Sakhan chungah a ummi facang tun 2, bomb le thilthuam hna cu SAC ralkap nih an lakpiak hna tiah theih chih a si.

Relchap- PDF Pasalttha Pakhat SAC Ralhrang Hrem Nak Ruang Ah A Nunnak A Liam
SAC nih hrem ruang ah Tawai PDF pakhat a nunnak a liam. Tawai peng PDF ralkap pakhat cu SAC nih an tlaih I an hrem hnu ah a nunnak a liam tiah theih a si. An tlaih mi pa cu kum 35 a simi, Tawai peng bridgade [ 1 ] I hruaitu Tan Htan a si mi November 9 ah khan an rak tlaih hi a si

An cathanh ah cun an thinak lawng an tial I zeitindah an thi dan a si cu fiang in an langhter lo hmuh khawh a si. Cunpinah an himnak caah tiin an konglam cu fiang tein an langhter lai lo kong zong an chim theih a si fawn. SAC ralkap uknak cu a hram in phawi ding in le a tangmi rian hna cu na hawi lei nih pehzulh in kan doh rih hna lai tiah PDF nih cun an thanh theih a si.