PDF Pasalttha Pakhat SAC Ralhrang Hrem Nak Ruang Ah A Nunnak A Liam

SAC nih hrem ruang ah Tawai PDF pakhat a nunnak a liam. Tawai peng PDF ralkap pakhat cu SAC nih an tlaih I an hrem hnu ah a nunnak a liam tiah theih a si. An tlaih mi pa cu kum 35 a simi, Tawai peng bridgade [ 1 ] I hruaitu Tan Htan a si mi November 9 ah khan an rak tlaih hi a si.

An cathanh ah cun an thinak lawng an tial I zeitindah an thi dan a si cu fiang in an langhter lo hmuh khawh a si. Cunpinah an himnak caah tiin an konglam cu fiang tein an langhter lai lo kong zong an chim theih a si fawn.

SAC ralkap uknak cu a hram in phawi ding in le a tangmi rian hna cu na hawi lei nih pehzulh in kan doh rih hna lai tiah PDF nih cun an thanh theih a si.

Lai Mi Tampi An Umnak American Ram Ah Tuksapur Thah Nawn Nak Ttihnung A Tlung
American Ram Supermarket Pakhat Chungah Meithal Kahnak A Chuak I, Minung 10 Hrawng An Nunnak A Liam.

American ram Supermarket pakhat ah meithal tlaitu pakhat nih minung 10 hrawng a kah hna i an nunnak a liam, tiah theih a si. Virginia ramkulh Chesa Paraki khua ah a ummi Walmart Supermarket pakhat ah a luancia November 22 ah Super Market Manager tiah ruahmi pa nih minung 10 hrawng a kah hna hnuah amah tein ai that ve, tiah į¹­uanvo ngeitu palik nih an chim.

Cu kahnak kong he pehtlai in zei ruang ah dah meithal kahnak a chuah ti mi kong bel fiang in hngalh a si rih lo. Palik nih cun Supermarket chungah minung pakhat nih a thahmi hna a si, tiah an langhter. A luancia kum 2019 lio zong ah Texas ramkulh, El Paso khua Walmart Supermarket ah meithal kahnak a rak chuak i minung 23 an nunnak a rak liam cang tiah theih a si.Crd: TCP