Pathian Nihsawh, Serhsat Tu Hna Cung I Thil Tlung Mi Cu Ttihnung Tak Tak A Si

Pathian nihsawh, serhsat nak bia chim hi zeitluk in dah ttih a rak nun tih hi nai fiang cang maw? Pathian nihsawh, serhsat tu hna cung ah rawhralnak, thihnak fakpi a tlung tawn.

May be an image of 4 people, people playing musical instruments and people standing

 

1. John lennon (Beatles) tiah an auh mi hlasak thiam minthang cu Jesuh nak in ka minthang deuh tiah 1966 kum lio ah khan a rak chim. Cu ti a chim hnu caan rauh lo ah khin a mah daw taktak tu Mark Chapman an tihmi pa nih meithal in a kah i a nunnak a liam.

2. Titanic tinbaw pi cu kan theih dih cio bang in vawleicung tilawng vialte ah a lian cem a si. A vawi khat khual tlawnnak ah Titanic tinbaw ser tu Thomas Andrew an tihmi pa Not even God can sink it tiah a rak chim. A chim in caan rau lo teah vurtllang pi a suk i a rawk dih cikcek.

No photo description available.

3. Billy Graham nih mintami Marilyn cu a thawngttha chimnak ah kal ding in a va saw mi Marilyn nihcun na biak mi Jesuh caah caan ka ngei lo ( I don’t need your Jesus) tiah a rak leh, cu bantuk bia a chim hnu caan raulo ah khin Marilyn cu a room chung ah a ruak in an va hmuh.

4. Barazil singer Cazuza an tihmi cu show a tuahnak puai pakhat ah kuak a zu i cu kuak a zuk mi khu cu vancung lei ah a kai thluahmah i mah cucu Pathian mah kha kha rak zu tiah serhsat ngai khin a chim. Cu a chim caan tlawmpal ah Cuak cancer in a zaw i a thi.

5. Campinas an tihmi pa cu a hawi le he a motor cung i an tthut lio ah khin hringtu a nu nih ka fapa Pathian he kal tti uh, Pathian nih in kilveng hna seh tiah a ti. A fapa nihcun Pathian cu ka motor hnunglei thilri chiahnak ah khin tthu ve ko seh tiah nihsawh ngai khin a chim. Cu tlawmpal suimilam pakhat tluk hrawng an kal ah khin a motor nih midang motor a pah ciamman i a hawi le he an dihlak in an thi dih.

6. Christine Hewitt- Jamica thawngzamh tu pa nih cun vawlei cung cauk vialte lak ah hin Bible hi a chia kha cem ( World of God was the worst book ever written) tiah interview an tuahnak ah a chim cu a chim hnu tlawmpal ah khin a motor a kang i a thi.

A cung i ka langhter mi minung paruk hna khi vawleicung ah minthang tuk an si ko nain Pathian nihsawh, serhsat ngai in bia an chim ruangah Pathian nih caan rau lo teah an nunnak a liam piak hna. Mah caah cun nangmah le keimah zawng kan biak Pathian hi zei rello in um hnawh in nihsawh, serhsatnak bia chim bak hna hlah u sih.

Kan Bible chung ah kan hmuh mi cu kan mah le tuhmi thlaici cio nan zun lai tiah kan Pathian nih a kan ti ( Galatians 6:7) chung ah fiang tein kan hmuh khawh. Mah caah cun kan Pathian nihsawh, serhsatnak bia chim ttihnung tuk mi a si ti kha philh bak hna hlah u sih.