Pathian Bia Hmang Lawnglawng in Coronavirus Kan I Kilveng Kho Lai

(1) Cozah le nawl ngeitu hna nih order an chuahmi le an chimmi ning tein zulh hrimhrim naa zuam lai.
Rom 13:1 “Ram uktu bawi kha an nawl va ngai hna u, zeicahtiah Pathian hnatlaknak tel loin nawl ngeitu ahohmanh an um lo i nawl ngei liomi hna hi Pathian nih a chiahmi hna an si”

(2) Pumpak Thianhliamnak na tuah lai i, na kut kha atu le atu na t’awl lai. Jeim 4:8 “Pathian cu naih u law an naih ve hna lai…nan kut kha i t’awl u”

 

 

 

 

 

 

 

 

 

 

 

(3) Thisen le Taksa Resistant a t’hawng nak hnga Tisik Anhnah tampi ei piak ding asi i, ti tampi in din awk asi. Daniel 1:12 “Ni hra chung kan hneksak tuah. Ei awkah tisik anhnah lawnglawng le din awkah ti lawnglawng kan pe”

(4) Biakam thar zong nih a khap bakmi Thisen na ei lai lo. Thisen in zawtnak i chonh a fawi cem. Act 21:25 “Jentail mi zumtu a simi hna kong tu ah cun, kannih nih ca kan kuat cang hna i siasal sinah pekchanh ciami rawl nan ei lai lo, thi nan ei lai lo”

(5) Aherh loahcun Mipu sin ah na kal lai lo. A lenglei ah chuahvak tuk loin Na inn chung ah naa khumh lai. Isaih 26:20 “Ka mi hna, nan inn chungah lut u law innka i kharkhumh u. Pathian thinhunnak a dih hlantiang, caan tawite chung cu i thup u”

(6) Inn chung ah naa khumh lio ah Pathian sin thla na cam lai. Inn chungkhar thlacamnak nan tuah lai” Matt 6:6 “Sihmanhsehlaw nannih cu thla nan cam tikah, nan inn khaan chungah va lut u law, innka vaa khar khumh u law, cuticun hmuh khawh lomi nan Pa sinah khan va cam u”

(7) Na inn le na chungkhar cungah Jesuh Thisen na zaar lai. Jesuh thisen cu kan damnak le kan luatnak asi. Eph 1:7 “Khrih thisen nih kannih cu a kan luatter” (NKJV), Exo 12:13 “Thisen kha ka hmuh tikah nannih cu kan lanhtak hna lai”

(8) Pathian nawlbia le biakam kha lungsau thinfual tein na zulh lai. Rev 3:10 “Lungsau in um tuah, tiah kan timi kha na zulh caah, vawleicung mi vialte hneksaknak ding caah vawlei cung dihlak ah a tlung laimi harnak caan kha tong loin kan luatter lai”

(9) A tanglei Pathian Bia nih hna ngam nak in pee hram ko seh. Salm 91:5-7 “Zan i a chuakmi ̣tihnung kha na ̣tih hna lai lo, chun ah ruahpaklo in a chuakmi cantiang zong kha na ̣tih lai lo; mui lak i a ummi rai zong kha na ̣tih lai lo i chun ceu i mi a that cuahmahmi ngal-eu zong kha na ̣tih lai lo. Na pawng ah mi 1,000 an thi ko lai, na velchum ah thong hra zong an thi ko lai, sihmanhsehlaw nang cu zeihmanh nih an tawng lai lo” Credit: Jacob R. Thang