Pathian Aabochan Mi Pa President Trump Cu America Mipi Nih An Khanghmi St. John Biakinn Ah Kal In Thlacamnak A Ngei

US ah minak Goerge Flyod thihnak ruang ah mipi nih duhlonak langhter in hehtiah sandahpiaknak an ngeih hi  ani 6 nak a si cang i Democrats Governor hna an tthawnlonak a lang chin lengmang. Mah buainak ruang ah American State tampi lawng hmanh silo in Europe ram tiag buainak a chuahter cang tiah theih a si.

Mah buainak chuakmi ruang ah President Trump nihcun Democrats Govenor hna cu nan State nan zohkhenh kho lo tiah a ti hna. Mah buainak ruang ah Washington DC cu curfew an tuah cawlh i, President Trump nihcun Rose Garden ah Press mi hna tawnnak le biaruahttinak a ngeih hna. Mah tawnnak a ngeih dih hnu ah mipi nih an mei in an khanghmi St. John Biakinn ah kal in Bible i ken buin thlacamnak a ngei.

President Trump nihcun United State/ City Governor hna cu nan State chung buainak chuakmi nan daihter kho lo i, an chung ah phung ning tein rian nan ttuan ngam lo a si ahcun keimah nih Washington DC in ttuanvo karak lak cang lai tiah a ti hna. Mah bantuk buainak achuahtertu mipi nih an duh cemmi cu remnak a si i, mah cucu nan tuah khawh lo a si ahcun President ka si bantuk in mah buainak ah hin keimah nih ttuanvo ka lak ko lai tiah a chim.

St John Church President Trump a va zohnak ah hin  White House Chief of Staff Mark Meadows, Attorney General Bill Barr, White House senior adviser Jared Kushner, Defense Secretary Mark Esper and White House press secretary Kayleigh McEnany  hna nih an zulh hna. Ivanka Trump Jared Kushner, social media; adviser Hope Hicks; Alyssa Farah, the White House director of communications, Army General Mark Milley, the Chairman of the Joint Chiefs of Staff, hna zawng an kal ve.