Pastor pakhat nih zu thahnak sivai thalo adinter hna ruangah minung panga an thi

South Africa ram Soshanguve ah pastor pakhat asimi Light Monyeki nihcun mikip hnanih zungzal tiang nun khawhnak dingah thawnnak thukpi kan ngei hna tiah a hnuzultu hnacu achimh hna hnuah zu thahnak i hman asitawn mi sivai thalo cu arak dinter hna tiah theih asi. Cawnpiak nak tampi a chuak chin lengmang tikah hin zumtu hna zong ralrin tak tak khi kan herh hna.

Mah bantuk zu thahnak sivai thalo arak dinte hna ruangah a hnungzultu lakin minung panga hna nihcun an thihpi tiah theih asi. Mah pastor nihcun zumtu hna hrangah cun thihnak cu tih ding asilo timi konglam cawnpiak nak arak tuah. Kan mahcu biaknak leiah afektukmi a turun kan sihna. Thihnak cu zumtu hna hrangah cun tih dingmi thil asilo.

Thihnak nihcun zumtu hnacu atei kho hnalo tiah a mah hnuzultu hnacu arak cawnpiak hna tiah theih asi. Mah hnuah cun a hnuzultu hna ka chungah cun zu thahnak sivai thalo cu arak ron i a dinter hna ti asi. Mahbantuk cawnpiak nak arak zumtu hna zong nihcun a chim ning bangin cu thihnak sivai thalo cu an rak din ve hna ti asi.

Mah an thiltuahmi a phichuak cu zanlei sang ahung sitikah Monyeki biakin chung arak ipummi hna nihcun pawpi fahnak an tuar hna i mah hna lakah minung panga lebang nihcun anthihpi tiah theih asi. A thaizing zongah midang minung hleithum hnacu mah thihnak sivai thalo anrak din ruangah cun sizung ah kalpi an sihna.

Biaceihzung nihcun mah thihnak chuakmi kongah tazacuainak antuah konain Monyeki nihcun tavuan ala duhlo. Monyeki nihcun thiltha a tamtuk ruangah thilthalo ah athleng tilawng a chim duh. Kan Bible nih arak chimmi bia hna cu nikhat hnu nikhat in atling cuahmah cang caah daithlang in um awk kan ttha hrimhrim ti lo. Kan Pathian sin lawng ah hnangamnak tling taktak cu a um ti kha philh hrimhrim hlah hawi dawt.

 

 

Leave a Reply

Your email address will not be published.