Pafa Hna Pathum Hlei Cung Zuang Nak I A Thi Mi Cu An Pafa Thum In Hmuh Khat Ah An Ruak An Vui

August 2, 2022 zing ahkhan Malaysia um Chin mi Pu Chôlei le a fale pathum hna cu an kut i tlai in Mawtaw lam hleidonh mi cung ah lam an zawh i, hlei an zawh cuahmah lio ah cun hringtu an pa nih a fale ngakchia 3 cu hlei cung in a thlak hna hnu ah amah zong a zuang ve.

May be an image of 10 people, people standing, flower and indoor

Pu Chôlei hi Malaysia Kepung ah khuasa mi an si i, an chuahkehnak cu Meisakotla khua an si, tiah thei a si. Kan ram buai ruangah lungthin kekkuai i kan um cuahmah lio ah hi bantuk thawngpang theih cu ngaihchia kho tuk ee.

May be an image of 3 people

Tuni ah an pafa thum in zanlei suimilam 1:00pm ah khan an ruak cu an vui hna tiah theih asi. An pafa thum i an zuan nak hlei hi feet 20 tluk hrawng a sang mi a si. An thih tak mi chungkhar nu caah cun celh ding hrim khi asi lo ee.

Hlei cung in an zuan ka ah Pu Chôlei kum 38, a fale Vadetiso kum 8 le a hniang bik chang Vabiechosa Kum 6 cu a hmun ah an nunnak a liam colh i, A hniang bik Vabiechôpha a nunnak a him rih caah a rannak in Salayang Siizung ah an tlikpi colh i, an thlopbul hnu ah a nunnak a liam ve tthan tiah theih asi.

May be an image of 9 people, people sitting and people standing

Pu Chôlei hi lungloh a ngei mi a si tiah cheukhat nih cun an chim i, atu tan hlei in a fale a zuanpi hna zong hi a lungloh caan a chuah caah a si lai, tiah an chim. Tuni ah Myanmar Humanitarian Aid Society (Malaysia) nih Malaysia phaisa 5650 cu an thih tak mi an nu sin ah an pek tiah theih asi.