Online Cung A Tlangval Pa Ruangah A Ngeihmi Phaisa Vialte A Sungdihtu Nu

Tu kan chan cu kan theih dih cio bang in internet chan a si caah nghakchia, upa, tar, mino tiang in online kan hmang dih cang. Mah caah cun hlan lio bantuk in daling kawl tik ah heh tiah cakuat hau lo in facebook hmang in fawi taktak in duhdawtnak bia kha an chim khawh cang.

Malaysia ram ah nu kum 50 mi nu cu online cung ah tlangval pakhat ai hmuh ve i, cu a tlangval pa nih cun a daling nu ngeihmi phaisa vialte le a inn le lo tiang in a hlen dih tiah theih a si. Mah nu a min cu langhter a si lo. Mah nu nih cun a dalingpa cu a duhtuk caah daling ti lawng hmanh siang lo in ka vapa tiah a chim.

A tlangvalpa nih cun a hlen lengmang ko nain dawtnak mitcaw an ti mi bang a duhdawt thiam thiam caah a hal mi thil paoh cu siang taktak in a pek lengmang. A tlangval pa cu online cung in mihlen hmang a si tihmi cu a hmu kho hrim hrim lo. Mah nu a hlengtu tlangvalpa cu Malaysia ngunkhuai khawltu zung lei nih cun ramleng a zam hlan ah an tlaih khawh.

Mah pa nih cun a daling nu sin in ringkit (710000) nak tam deuh a hlen hnu ah ram leng ah zam ai tim. Hlen a tawngtu nu nih a chim ning ah cun ringkit ting (800) man laksawng kan pek lai, mawtaw dawh taktak he ka rak tlung tiah a ka ti caah mah vialte phaisa ka kuatnak a si tiah a chim.

A tlangval nih a chimh bang in zei hmanh a tuah mi a um lo caah lungrawk ngai in a um. Mah cutluk in a hlen cang ko nain a tlangvalpa nih a chim mi paoh cu tuah piak kha ai tim peng rih tiah theih a si. Hmanh sehlaw ngunkhuai khawltu hna nih an tlaih hnu lawng in mihlen hmang a si ti cu fiang tein a theih khawh hi a si.

Hlen hmangmi pa cu Tuluk mi phun American ah khuasa mi a sii, a min ah cun “Kenneth Cheung” tiah an auhmi mipa a si. Mah pa nih cun a daling nu sin ah cun phaisa tampi le mawtaw, Kutdonghrolh kan phurh lai taih a chim fawn. Hlen a hmagmi nu cu midei han nih biahalnak an tuah nak cu a tanglei ah khin a video zawng a um chih rak ngai ve. Video