Nupi a ngeicang tiah thawngpang arak thangmi he pehtlaiin fianternak atuahtu Nay Lin Kyaw

Myammar Idol Season 4 thawkin mipi thapeknak tampi a cotu hlasakthiam Nay Lin Kyaw nihcun facebook cahmai chungah a hunglar ngaimi thawngpang he pehtlaiin fianternak ahawng tuah ve cang. Nupi a ngeicang timi konglam he pehtlaiin Nay Lin Kyaw nihcun “Keimah cu single ka siko, nupi ka thi rihlo” tiah a chim.

A rauh hlanah sicang dingmi Valentines Day zongcu riantuan buin ka hmang lai tiah a chim chih rih. Tu ah cun nungak dang ngeihthan nak cha cun rianah hlawhtlingmi siding zuam a duhnak konglam zong arak chim chih. “Nungak cu ka kawlrih lailo. Zei kanti ngha thilcangmi cheukhat ka philhkhawh rihlomi an um rih. Cun Anuhpingia rian zong tuan ka duh rih.

Hlawhtlingmi ka sirihlo, cun dawtnak he pehtlaiin cun khua ka ruat tuk duh rihlo” tiah a chim. Nay Lin Kyaw cu Myanmar Idol Season 4 zuamnak thawngin mipi hna nih theih hram thok kha asi. Tubantuk thawngpang diklo mi ruangah hnabeidongh nak ngeilo in hmailei karhlan tu atimmi asi. Mah hlasak zuamnak puaipi chungah khan top 10 chungah a tel khomi asi tizong kan philh rih lailo dah kati.

Mah zuamnak in khan 3rd week result show zan in thlah arak si tizong kan theih cio kolai dah. Minthang pakhat an vun sicang ah hin cun an konglam diklomi tampi cu a chuak lai tizong an theih cia ve kolai dah. Nay Lin Kyaw nihcun anu ngak he an ithen hnuah nungak dang ngeihrih a timhlonak kong tiangin a chim hi asi.