NUG Cozah Nih PDF Mino Hna Sin Ah Hriamnam Tam Tak Tak An Kuat Mi Tlamtling Tein A Phan

Min Aung Hlaing nih uknak ai lak sual cang ko rua hih! Hlan lio i aana an rak bantuk men ah a ruah sual, a rak i ruahning bantuk in thil a kal khawh ti lo caah vava tum in a um cang.

 

No photo description available.

Mipi lei hraimtlai phu nih le nikhat hnu nikhat an thawng chin lengmang. PDF ralkap le bang cu an mah tein hriamnam hmanh an ser khawh ve cang. Cu lawng hlah NUG cozah nih PDF sin ah hliannam tam taktak a kuat tthan cang.

A hlah ah PDf ralkap mio vialte nih hriamnam ttha tthan an i tlaih dih khawh cang lai. Hi ti ning tein PDF mino rual nih hriamnam an vun i tlaih khawh ahcun Min Aung Hlaing uico rual cu nichiar Hel ram ah an kuat tluahmah cang lai.

No photo description available.

Captain Le Colonel Nupi Hna Tiangin Raldoh An Cawnter Cang Hna. Ralhrangbu cunglawi bawi hna nih an kuttang ralhrang bawi nupi hna cu a voikhatnak raldoh cawnnak an tuahter hna tiah theih a si.

May be an image of 1 person

Captain le Colonel hna i an nupi le hna cu Mandalay ramṭhen Pyin Oo Lwin, Shan ramkulh Taunggyi le Aungpan khua i a ummi ralhrang hna sinah kan hnuzarh khan an thawk i zarhhnih chung an cawng lai. An cawnmi chungah meithal kah lawng si loin hriamngan hman ning le raldoh ning cheukhat hna an i tel tiah cawnnak aa telmi hna nih an chim.

Ku 2021, Feb 1 i nawlngeihnak lak hnu in ralhrangbu hnuchit in a zammi an tam cang caah minung a i nguhdeih ti lo i atu bantukin an nupi le tiangin raldoh an cawnter hna hi a si tiah The Irrawaddy nih cun a ṭial. Hmasa zongah ralhrang nupi hna raldoh an rak cawnter cang hna nain bawi hna nupi tiang cawnter a rak um lo.

May be an image of 1 person

Pyin Oo Lwin i ralkap university i Captain nupi pakhat nih cun “A voikhatnak ralbawi hna nupi le raldohnak cawnnak kan ngei. Tutan cawnnak ah Captain le Colonel nupi hna kan i tel” tiah a chim. Ralbawi nupi hna raldoh cawnnak cu a rauh hlan ah ram pumpi i battalion kip ah thawk a si lai tiah theih a si.

No photo description available.

A voikhatnak cawnnak ah aa telmi pakhat nih “Zeiruangah ti kan thei lo, anmah nih cun a herh caah an kan ti ko” tiah a chim. Hmuhtonnak tampi a ngei cangmi tlangcung hriamtlaibu hna le ralhrang uknak duh lo ruangah lungfah in hriam a tlaimi mizapi ralkap he kahdohnak ah ralhrang cu nikhat hnu nikhat an thimi an tam chin lengmang.

Cu pinah ralhrangbu hnuchit in a zammi ralkap zong an um peng fawn. Cuti i a thimi le a zammi hna airawlh kho dingin ralhrangbu nih anmah ṭanhtu Pyusawhtee, USDP chungtel cheukhat le ralkap hlun hna chungin minung an kawl peng tiah theih a si. Crd: The Chin Post

Leave a Reply

Your email address will not be published.